Fota: gov.pl

Fota: gov.pl

«Mienavita tut, u Čornaj Biełastockaj, budzie raźmiaščacca padraździaleńnie raźviedvalnaha pałka, ale i tut buduć vojski terytaryjalnaj abarony. Sałdaty terytaryjalnaj abarony taksama buduć raźmieščany tut», — skazaŭ ministr Maryjuš Błaščak padčas vizitu na Padlašša.

Kažučy pra pryčyny takoha rašeńnia, polski ministr adznačyŭ dziejańni Rasii i Biełarusi i hibrydnyja ataki, ź jakimi sutykajecca Polšča.

«Siońnia my ŭsie bačym, što adbyvajecca za našaj uschodniaj miažoj. Pucin sprabuje adnavić impieryju. Była Rasija biełaj abo čyrvonaj, ci ciapier jana pucinskaja, Rasija zaŭsiody adna i taja ž, kali havorka idzie pra mietady, jakija jana vykarystoŭvaje, kali havorka idzie pra ahresiju, jakuju jana ździajśniaje. Tamu ŭ adkaz na hetyja pahrozy my ŭzmacniajem polskaje vojska. Takim čynam, u Padlaskim vajavodstvie stvarajecca dyvizija».

Błaščak dadaŭ, što padraździaleńnie ŭ Čarna-Biełastocku — adno ź niekalkich adnoŭlenych i stvoranych na Padlaššy.

«Ja kažu pra błok u Kolnie, chutka budzie błok u Hrajevie, u Aŭhustovie, Siamiatyčach, nu i tut, u Čornaj Biełastockaj. Padraździaleńni stvorany dla taho, kab adpudzić ahresara, kab ahresar nie advažyŭsia ŭvajści ŭ Polšču, kab jon nie advažyŭsia napaści», — padkreśliŭ ministr.

Nahadajem, što praz pastajannyja sproby niezakonnaha pierasiačeńnia polska-biełaruskaj miažy i najaŭnaść u Biełarusi niekalkich tysiač najmitaŭ PVK «Vahnier» Polšča pačała istotna pavialičvać kolkaść svaich uzbrojenych sił pobač ź Biełaruśsiu i navat prapracoŭvaje płan poŭnaha zakryćcia miažy.

U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.

Čytajcie taksama:

U Polščy adkazali Pucinu, jaki nazvaŭ jaje zachodnija terytoryi «padarunkam Stalina»

Polskaja armija pačała na miažy ź Biełaruśsiu apieracyju Rengaw

MZS Polščy raskazała, što pavinna zdarycca dla palapšeńnia adnosin Varšavy i Minska

«Nanieści previentyŭny ŭdar pa Varšavie». Prapahandysty pužajuć, što palaki chočuć napaści na Biełaruś

Клас
8
Панылы сорам
0
Ха-ха
0
Ого
0
Сумна
0
Абуральна
0