Padčas avaryi zahinuli ŭsie siem pasažyraŭ, jakija byli na borcie biznes-džeta «Embrajer», a taksama try členy ekipaža.

«U samalocie, jaki raźbiŭsia ŭ Ćviarskoj vobłaści, siarod pasažyraŭ značyŭsia Jaŭhien Pryhožyn», — pieradaje paviedamleńnie Rasavijacyi TASS.

Śviedki katastrofy kažuć, što niešta bachnuła dva razy. 

Samalot, jak paviedamlajecca, lacieŭ z Maskvy ŭ Sankt-Pieciarburh.

Telehram-kanał «VČK-OHPU» paviedamiŭ taksama, što na borcie biznes-džeta nibyta byŭ i zasnavalnik PVK «Vahnier», vieteran HRU Dźmitryj «Vahnier» Utkin, ale hetaja infarmacyja pakul nie paćvierdžana.

Tym časam druhi samalot, jaki naležyć Jaŭhienu Pryhožynu, raźviarnuŭsia nad Padmaskoŭjem i nakiroŭvajecca da aeraporta, paviedamiła Readovka, telehram-kanał, źviazany z PVK «Vahnier».

Chto ŭ druhim samalocie — nie paviedamlajecca. Niama i paćviardžeńniaŭ, što śpis pasažyraŭ u «Embrajery», jaki raźbiŭsia, supadaŭ z realnaj ich najaŭnaściu, pišuć rasijskija kanały.

Čytajcie taksama:

U Ćviarskoj vobłaści Rasii ŭpaŭ biznes-džet «Embrajer», usie zahinuli. Kažuć, što jon naležyć Pryhožynu

Клас
9
Панылы сорам
3
Ха-ха
27
Ого
4
Сумна
1
Абуральна
2