Vyjava: vecteezy

Vyjava: vecteezy

Dziakujučy Zakonu ab ličbavych pasłuhach (DSA), karystalniki Facebook i Instagram (ad Meta), TikTok (ad ByteDance) i Snapchat (ad Snap) mohuć lohka adchilać «piersanalizavany» źmiest, jaki adlustroŭvajecca na asnovie «relevantnaści» (h. zn. prahladaŭ karystalnika). Zaraz karystalniki zmohuć pieraklučacca na bolš ścipły vyhlad navin, jaki źmiaščaje pasty ad vašych siabroŭ, što adlustroŭvajucca ŭ chranałahičnym paradku. 

I heta tolki viaršynia narmatyŭnaha ajśbierha. Źmieny dastasoŭvajucca da asnoŭnych płatformaŭ u ES, ale niekatoryja ź ich raspaŭsiudžvajucca va ŭsim śviecie, bo technałahičnyja hihanty vyrašyli aptymizavać niekatoryja elemienty.

Facebook na samaj spravie pryniaŭ miery raniej za krajni termin adpaviednaści DSA, zapuściŭšy chranałahičnuju novuju ŭkładku Feeds u lipieni. Naŭrad ci Meta zrabiła b hety krok, kali b jeŭrapiejcy nie pryniali zakon, jaki abaviazvaje asnoŭnyja płatformy davać karystalnikam mahčymaść prahladu niepiersanalizavanaha kantentu.

Niadaŭna my taksama raspaviadali, jak YouTube abviaściŭ, što karystalnikaŭ z adklučanaj funkcyjaj «Historyi prahladaŭ» nie buduć turbavać rekamiendacyjami videa na asnovie raniejšych prahladaŭ.

Vybar źmiestu, zasnavany na adsočvańni kantentu, što prahladaŭsia, dziejničaje davoli hruba. TechCrunch pryvodzić prosty prykład. Paśla taho jak karystalnik vypadkova pahladzić (i, kryj boža, upadabaje) videa z kotkaj u Instagram, stužka navin budzie pierapoŭnienaja biaskoncymi kacinymi videa z adnoj tolki metaj: pratrymać vas na płatformie jak maha daŭžej.

Vyjava: vecteezy

Vyjava: vecteezy

Ciapier Mark Cukierbierh vymušany ŭličvać novy zakon i prapanavać karystalnikam u ES mahčymaść adklučać demanstracyju piersanalizavanaha źmiestu. U instahramie pieraklučycca možna, naprykład, na ŭkładcy «Explore» (značok łupy ŭnizie), dzie treba nacisnuć na try kropki ŭ pravym vierchnim kucie i abrać «Not personalized» (pa zmoŭčańni tam vybrany ałharytmičny kantent «For you»).

Stužka źmiestu, jaki, pavodle padlikaŭ štučnaha intelektu Meta, lepš za ŭsio pryciahnie vašu ŭvahu, budzie zamienienaja sietkaj niepiersanalizavanych vyjaŭ — pieravažna piejzažnymi fota, byccam natchnionymi National Geographic. Vyhladaje krychu nudna, ale, mabyć, u hetym i sens. Pry vychadzie ź sietki, adnak, nałady, zdajecca, viartajucca ŭ stan «pa zmoŭčańni».

Tak vyhladaje ŭkładka «Explore» z adklučanymi piersanalizavanymi rekamiendacyjami ad Instagram

Tak vyhladaje ŭkładka «Explore» z adklučanymi piersanalizavanymi rekamiendacyjami ad Instagram

Uklučeńnie hetaj retrafunkcyi ŭ Facebook, jaki daŭno pieratvaryŭsia ŭ chaatyčny nabor rekłamy ŭpieramiešku z pastami, adfiltravanymi ŠI pa papularnaści (na asnovie ŭzajemadziejańnia), pieraniasie karystalnika va ŭmoŭny 2008 hod, kali pasty pakazvalisia ŭ zvarotnym chranałahičnym paradku. Na žal, pa zmoŭčańni hałoŭnaja staronka Facebook pa-raniejšamu maje vyhlad, adsartavany ŠI, u tym liku piersanalizavanyja rekamiendacyi dla Reels i Stories.

Pieraklučalnik «Vyklučyć ŠI» moža akazać jašče bolšy ŭpłyŭ na TikTok, dzie mienavita ałharytmu vybaru kantentu prypisvajuć asnoŭnyja virusnyja tendencyi, što spryjajuć ahulnaj šalonaj papularnaści płatformy, asabliva ŭ maładych ludziej. 

Ale adychod ad «ihołki» štučnaha intelektu ŭsio roŭna zapatrabuje ad karystalnikaŭ prajavy svabody voli, bo novy jeŭrapiejski rehłamient patrabuje tolki adno, kab płatformy prapanoŭvali videa na vybar. Ale jašče treba vyśvietlić, ci sapraŭdy TikTok-supolnaść budzie addavać pieravahu novym niepiersanalizavanym stužkam.

Adnak sam fakt dadavańnia novaj (nasamreč staroj) funkcyi niekatoryja karystalniki nazyvajuć mahčymaj «revalucyjaj kantentu», jakaja tak patrebnaja siońniašniamu hramadstvu, dyskurs jakoha nakiroŭvajecca ałharytmami ŭ sacsietkach technałahičnych hihantaŭ. U śvietłaj budučyni cichi vychad z hetych ałharytmaŭ moža stać nastupnaj vialikaj tendencyjaj, dajučy internet-servisam mienš mahčymaściaŭ dla kradziažu našaha volnaha času. 

Čytajcie taksama:

YouTube bolš nie budzie prapanoŭvać rekamiendavanyja videa, kali vaša «historyja prahladaŭ» vyklučanaja

Tvitar i instahram, łavicie: TikTok dadaje opcyju tekstavych paviedamleńniaŭ

Ustupili ŭ siłu novyja jeŭrapiejskija praviły dla technałahičnych hihantaŭ. Voś jak jany pracujuć

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?