Bajcy Ruskaha dobraachvotnickaha korpusa. 24 maja 2023 h. Fota: «Suśpilnie Sumy»

Bajcy Ruskaha dobraachvotnickaha korpusa. 24 maja 2023 h. Fota: «Suśpilnie Sumy»

«Bieź pieraškod znoŭ prajšoŭšy dziravuju miažu, u noč na 27 žniŭnia my ŭdaryli bieśpiłotnikami pa vajskovym abjekcie», — havorycca ŭ zajavie RDK. 

«Maksimalna paśpiachovaja ataka», jak paviedamili ŭ RDK, była praviedzienaja sumiesna z vajskovaj kontrraźviedkaj SBU. 

RDK śćviardžaje, što budynak u Kursku, kudy, pavodle zajavy ŭładaŭ rehijona, trapiŭ bieśpiłotnik, nasamreč byŭ paškodžany rasijskaj SPA, «jakaja prykryvała samaloty». 

Kolki samalotaŭ było paškodžana ŭ vyniku ataki na aeradrom, RDK nie ŭdakładniaje, a tolki adznačaje, što «źniščany ŭsie namiečanyja celi». 

Hubiernatar Kurskaj vobłaści ranicaj 27 žniŭnia paviedamiŭ ab papadańni bieśpiłotnika ŭ šmatkvaterny dom u Kursku na vulicy Karła Marksa, u vyniku jakoha budynak atrymaŭ paškodžańni, ludzi nie paciarpieli. 

Praź niekalki hadzin paśla hetaha ŚMI sa spasyłkaju na SBU paviedamili ab nalocie dronaŭ na aeradrom u Kurskaj vobłaści. «Drony-kamikadze, zajaviła krynica ŭ SBU, u noč na 27 žniŭnia «adpracavali pa čatyroch samalotach Su-30 i adnym MiH-29». Taksama byli paškodžany radary kompleksu S-300 i dva ZRK «Pancyr». 

Infarmacyi pra paškodžańnie techniki na aeradromie Kurskaj vobłaści padčas hetaj ataki z rasijskaha boku nie było.

Ruski dobraachvotnicki korpus i lehijon «Svaboda Rasii» raniej ździejśnili niekalki hučnych rejdaŭ u Biełharodskuju i Branskuju vobłaści.

Čytajcie taksama:

U Biełharodskaj vobłaści RDK uziaŭ u pałon rasijskich vajskoŭcaŭ i prapanuje hubiernataru pieramovy

Kiraŭniki lehijona «Svaboda Rasii» pakazali novych rasijskich pałonnych

Ruski dobraachvotnicki korpus i lehijon «Svaboda Rasii» znoŭ zajavili pra praniknieńnie na terytoryju Rasii

Клас
19
Панылы сорам
1
Ха-ха
0
Ого
1
Сумна
2
Абуральна
1