Łarysa Ščyrakova. Fota: «Radyjo Svaboda»

Łarysa Ščyrakova. Fota: «Radyjo Svaboda»

Łarysu Ščyrakovu vinavacili pavodle dvuch artykułaŭ Kryminalnaha kodeksa — «Sadziejničańnie ekstremisckaj dziejnaści» i «Dyskredytacyja Respubliki Biełaruś». 

Spravu razhladaŭ sudździa Mikałaj Dola, viadomy tym, što adpraviŭ za kraty na piać hadoŭ žurnalistku Irynu Słaŭnikavu.

Łarysu Ščyrakovu zatrymali ŭviečary 6 śniežnia 2022 hoda paśla pieratrusu ŭ jaje domie. Jaje niepaŭnaletniaha syna źmiaścili ŭ prytułak. Były muž palitźniavolenaj, jaki apošnija hady žyŭ u Rasii, sabraŭ nieabchodnyja dakumienty i 23 śniežnia zabraŭ Śviatasłava. Inšym svajakam chłopčyka nie addavali. 

Napačatku na Łarysu zaviali kryminalnuju spravu pavodle art. 369-1 KK (dyskredytacyja Respubliki Biełaruś) i źmiaścili ŭ homielski SIZA №3. Bolš jak miesiac tamu pamierła maci žančyny. Žurnalistku navat nie adpuścili ź SIZA na pachavańnie.

Pavodle materyjałaŭ śledstva, Łarysa Ščyrakova «sa žniŭnia 2020 hoda pa śniežań 2022 hoda, vykarystoŭvajučy napružanuju hramadskuju situacyju i imknučysia destabilizavać abstanoŭku ŭ krainie, praz roznyja miesiendžary i ŭlikovyja zapisy ŭ sacsietkach pieradała dla raźmiaščeńnia i raźmiaściła ŭ internecie, u tym liku na destruktyŭnych resursach, infarmacyjnyja materyjały z zahadzia łžyvymi źviestkami, jakija dyskredytavali Respubliku Biełaruś».

Jana ž, pa mierkavańni prakuratury, «ažyćciaŭlała zbor, stvareńnie, apracoŭku, zachoŭvańnie i pieradaču aŭdyja-, videa-, fota— i tekstavaj infarmacyi dla dalejšaha vykarystańnia ŭ metach zabieśpiačeńnia ekstremisckaj dziejnaści infarmacyjnaha resursu «Viasna» i ekstremisckaha farmavańnia «Biełsat»».

Za svaju žurnalisckuju dziejnaść Łarysu Ščyrakovu bolej za 40 razoŭ pryciahvali da administracyjnaj adkaznaści ŭ vyhladzie štrafaŭ i aryštaŭ.

Urešcie jana vymušanaja była zajavić ab tym, što adychodzić ad žurnalisckaj dziejnaści i budzie zajmacca etnafotasiesijami i psichałohijaj. 

Padtrymać žurnalistku: SIZA-3, 246003, Homiel, Knižnaja, 1A, Łarysa Fiodaraŭna Ščyrakova.

Čytajcie taksama:

U palitźniavolenaj žurnalistki Łarysy Ščyrakovaj pamierła maci

«Ad pačućciaŭ Łarysa navat raspłakałasia». Homielskaja žurnalistka Ščyrakova ŭpieršyniu sustrełasia z synam u SIZA

Žurnalistka Łarysa Ščyrakova za kratami adznačaje 50-hodździe

Клас
0
Панылы сорам
0
Ха-ха
1
Ого
0
Сумна
3
Абуральна
14