Ideałahičnaje vychavańnie miedykaŭ u dziejańni. Ilustracyjnaje fota: grsmu.by

Ideałahičnaje vychavańnie miedykaŭ u dziejańni. Ilustracyjnaje fota: grsmu.by

Jak pišuć «Biełyja chałaty», u zadačy ideołahaŭ uvachodziać hutarki z rabotnikami miedycynskich ustanoŭ, a taksama stvareńnie i administravańnie «sacsietak ideałahična pravilnaj skiravanaści». 

Pa słovach samich miedykaŭ, adkaznych za «ideałahična pravilnaje vychavańnie kadraŭ» pačali pryznačać jašče ŭ kancy minułaha hoda.

Hałoŭnaj na toj momant ich zadačaj była začystka ŭstanoŭ achovy zdaroŭja ad daktaroŭ, niełajalnych da režymu Łukašenki.

Pad uvahu najpierš trapili ŭdzielniki pratestaŭ 2020 hoda. Ź siłavych struktur kiraŭnictvu balnic pastupali śpisy supracoŭnikaŭ, zaŭvažanych na maršach i akcyjach salidarnaści. Niepažadanymi byli lekary, jakija ŭ kalektyvie vykazvali dumki ab kiepskim stanie biełaruskaj miedycyny.

Ad ich spačatku patrabavali napisać tłumačeńnie, a zatym ideołahi prapanoŭvali zvolnicca pa zhodzie bakoŭ. Pahražali prablemami, kali tyja ŭparcilisia.

«Hety supracoŭnik pieryjadyčna vyklikaje da siabie supracoŭnikaŭ i praviaraje ich telefony. U jaho ŭ balnicy jość svaje infarmatary. Bieź jaho rašeńnia nie mohuć uziać na pracu navat sanitarku», — raskazała doktarka adnoj z balnic Viciebskaj vobłaści ab pracy ideołaha.

Žurnalist «Našaj Nivy» pasprabavaŭ zapisacca na pryjom da «namieśnika hałoŭnaha doktara pa ideałohii».

U troch balnicach patłumačyli, što pytańniami ideałohii zajmajecca «namieśnik hałoŭnaha doktara pa arhanizacyjna-mietadyčnaj rabocie z sumiaščeńniem ideołaha». Jon sustrakajecca ź miedykami, źbiraje infarmacyju pra situacyju ŭ kalektyvie i arhanizoŭvaje ideałahičnyja mierapryjemstvy.

U jašče adnoj lakarni za ideałohiju pastavili adkazvać namieśnika hałoŭnaha doktara pa miedycynskaj častcy, hramadzianskaj abaronie i mabilizacyjnaj rabocie.

U dvuch balnicach paraili pahutaryć pra ideałohiju z namieśnikami hałoŭnaha doktara pa biaśpiecy, režymu i kadrach.

U struktury miedycynskich ustanoŭ jany kantralujuć adździeły kadraŭ, jurystaŭ, siektar aŭtamatyzavanych sistem. Na sajtach prahledžanych nami lakarniaŭ fotazdymki takich supracoŭnikaŭ adsutničajuć. Nie paznačanyja i ichnija słužbovyja abaviazki.

Tak vyhladaje adkazny za vychavańnie ideałahična pravilnaha miedyčnaha kalektyvu. Fota: 2gkb.by

Tak vyhladaje adkazny za vychavańnie ideałahična pravilnaha miedyčnaha kalektyvu. Fota: 2gkb.by

Jašče ŭ dźviuch lakarniach zajavili, što za pytańni ideałohii adkazvaje asabista hałoŭny doktar.

Pavodle telehram-kanała «Biełyja chałaty», pasadu namieśnika pa kadrach u balnicach uviali ŭ 2021 hodzie. Jaje zvyčajna zajmajuć asoby, jakija nie majuć dačynieńnia da miedycynskaj haliny. 

«Kali na pradpryjemstvach jość ideołahi, to čamu ich nie musić być u inšych dziaržaŭnych arhanizacyjach? Balnicy nie vyklučeńnie. Jany dziaržaŭnyja. Za nas vyrašajuć, jakija pasady ŭvodzić u štatny raskład», — skazaŭ pradstaŭnik administracyi adnoj ź lakarniaŭ.

Pavodle jaho, adkaznyja za ideałohiju — nie publičnyja rabotniki, tamu pra ich i niama źviestak. Surazmoŭca nie zachacieŭ havaryć, jak ideołahi vypraviać situacyju z niedachopam kadraŭ u miedyčnych ustanovach.

Zhodna z nacyjanalnym bankam vakansij, miedyčnym ustanovam krainy patrabujecca 6467 daktaroŭ-śpiecyjalistaŭ, 4122 miedsiastry, 2284 sanitary.

Hladzicie taksama:

«Na 45 miescaŭ — 5 dziaŭčat». Chirurhaŭ u subardynaturu buduć raźmiarkoŭvać pa pałavoj prykmiecie — studenty aburanyja

«Adzin budzie mianiać, a dvoje — zašyvać ranu». Łukašenka daručyŭ da kanca hoda zrabić apieracyi pa endapratezavańni ŭsim, chto staić u čarzie

U jakim stanie znachodzicca miedycyna praz amal 30 hod łukašenkaŭskaha kiravańnia? Heta tolki toje, što apubličyli

«Jakoje ščaście, što ja sutyknułasia z hetym dyjahnazam tut!» Jak biełaruski dajuć rady ciažkim chvarobam daloka ad domu

Клас
3
Панылы сорам
11
Ха-ха
5
Ого
5
Сумна
2
Абуральна
35

Chočaš padzialicca važnaj infarmacyjaj ananimna i kanfidencyjna?