Čyhunačnaja palicyja Italii. Fota: poliziadistato.it

Čyhunačnaja palicyja Italii. Fota: poliziadistato.it

Naš suajčyńnik, vypraŭlajučysia ŭ darohu na stancyi ŭ horadzie Katanija, spačatku pieraškadžaŭ adpraŭleńniu ciahnika, staŭšy pamiž dźviaryma, kab dačakacca prybyćcia inšaha pasažyra. Hetym jon zatrymaŭ sastaŭ prykładna na 17 chvilin, a suniali jaho tolki miascovyja pravaachoŭniki.

Paźniej, pryjechaŭšy na kancavuju stancyju ŭ horadzie Miesina, mužčyna ź niezrazumiełych pryčyn admoviŭsia vychodzić z vahona, niahledziačy na ŭhavory členaŭ ciahnikovaj bryhady. Siarod inšaha jon nie zhadžaŭsia paviedamlać svaje asabistyja źviestki, pahražaŭ i mocna ŭdaryŭ pa ruce načalnika ciahnika.

Palicejski patrul, prybyŭšy na miesca, ustanaviŭ asobu pasažyra, choć toj i ŭ takich abstavinach nie chacieŭ nazvacca, praciahvajučy pavodzić siabie ahresiŭna. Zatym biełarusa zatrymali: heta było ciažka, bo ŭ pracesie čaćviora pravaachoŭnikaŭ atrymali traŭmy.

Pry pieratrusie ŭ mužčyny znajšli amal try hramy marychuany. Sudovyja orhany pakul užyli ŭ dačynieńni da jaho mieru abaviazkovaj štodzionnaj jaŭki ŭ palicejski pastarunak.

Čytajcie taksama:

«Ja ŭpeŭnieny na 99,99%». U Italii znajšli pachavańnie brata Łarysy Hienijuš, jaki zahinuŭ pad Monte-Kasina

Zatrymali biełarusku, jakaja prylacieła ŭ Minsk ź Italii da svajakoŭ 

Hrupa nieviadomych źbiła biełarusa ŭ centry Biełastoka

Клас
4
Панылы сорам
25
Ха-ха
7
Ого
0
Сумна
0
Абуральна
2