Jak piša Bloomberg, vyniki daśledavańnia Hałoŭnaha statystyčnaha ŭpraŭleńnia Polščy śviedčać ab tym, što kolkaść pracazdolnaha nasielnictva krainy da 2060 hoda moža źmienšycca na 40% ad ciapierašnich 22,2 miljona.

Tak, adpaviedna nizkamu scenaru kolkaść pracazdolnych u 2060 hodzie moža skłaści ŭsiaho 13,3 miljona čałaviek. Vysoki scenar prahnazuje ličbu ŭ 16,6 miljona (skaračeńnie na 25%).

forecast of the number of labor force in Poland prohnoz čiślennosti rabočiej siły v Polšie prahnoz kolkaści pracoŭnaj siły ŭ Polščy

U viedamstvie adznačyli, što ŭ 2022 hodzie na 100 čałaviek pracazdolnaha ŭzrostu (žančyny 18—59 hadoŭ, mužčyny 18—64 hadoŭ) prypadała 70 čałaviek niepracazdolnaha ŭzrostu (0—17 hadoŭ, 60+ / 65+).

U 2060 hodzie hety pakazčyk pavodle asnoŭnaha scenaryja moža skłaści 105 čałaviek.

U toj ža čas stareńnie nasielnictva ŭ susiednich Ukrainie i Biełarusi źmienšyć kolkaść pracaŭnikoŭ, jakija patencyjna mohuć pryjechać u Polšču. Vychadam bačycca adkryćcio krainy dla bolšaj kolkaści mihrantaŭ z-za miežaŭ Uschodniaj Jeŭropy.

Vydańnie adznačaje, što prahnozy adlustroŭvajuć źmianšeńnie naradžalnaści ŭ Polščy i padkreślivajuć palityčnyja batalii za adkryćcio šostaj pa vieličyni ekanomiki Jeŭrapiejskaha sajuza dla bolšaj mihracyi. Padzieńnie, jakoje prahnazujecca, pryviadzie da bolšaha cisku na polskuju ekanomiku i pavysić nahruzku na dziaržaŭnyja finansy praz rost kolkaści piensijanieraŭ.

«Dla dasiahnieńnia bolš vysokich uzroŭniaŭ imihracyi, jakija dazvolili b chacia častkova kampiensavać straty na rynku pracy, spatrebicca bolšaja dyviersifikacyja krain pachodžańnia imihrantaŭ. Heta aznačała b źjaŭleńnie bolšaj kolkaści ludziej z azijackich abo afrykanskich krain», — cytuje Bloomberg spravazdaču daśledavańnia.

Jak adznačaje vydańnie, mihracyja — heta centralnaje palityčnaje pytańnie ŭ Polščy pierad vybarami ŭ kastryčniku. Partyja «Prava i spraviadlivaść», jakaja ciapier znachodzicca va ŭładzie, zrabiła antyimihranckuju rytoryku častkaj svajoj nacyjanalistyčnaj płatformy. Takaja pazicyja sutyknułasia z ekanamičnaj realnaściu.

Bloomberg zaŭvažaje, što ŭ toj čas jak Polšča trymaje «dźviery začynienymi», mnohija krainy na ŭschodzie ES spakojna zapoŭnili chraničny deficyt na rynku pracy rabočymi ź niejeŭrapiejskich krain.

Čytajcie jašče:

U Łodzi ahienctva pracaŭładkoŭvała biełarusaŭ, ale fiktyŭna

MZS Polščy praviało sustreču z pradstaŭnikami arabskich krain nakont uciekačoŭ ź ich na terytoryi Biełarusi

Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?