Pra toje, što pieršyja stancyi dezynfiekcyi ŭ punktach propusku na biełaruskaj miažy pabudujuć da 1 vieraśnia 2023 hoda, zajaŭlałasia jašče ŭ mai minułaha hoda. Spačatku ekśpierymient aprabavali na miažy z Ukrainaj. Ciapier ža stancyi źjavilisia na ŭsich punktach propusku na zachodniaj miažy krainy. Siońnia jany pačali paŭnavartasnuju pracu, piša Onliner.by.

«Stancyi dezynfiekcyi pačynajuć pracavać 1 vieraśnia 2023 hoda na ŭsich punktach propusku, — paviedamiŭ Onlíner pradstaŭnik TAA «Biełhłobałharant», jakoje zajmajecca realizacyjaj prajekta. — Apracoŭvać kuzavy aŭtamabilaŭ buduć preparatam, jaki źniščaje bolšaść virusaŭ. Pryznačeńnie — u pieršuju čarhu vieterynarnaje, dla źnižeńnia ryzyki ŭvozu na terytoryju krainy ŭzbudžalnikaŭ niebiaśpiečnych infiekcyj. Stancyi ŭžo pracujuć u štatnym režymie».

Viadoma, što pieršyja 15 dzion pasłuha budzie biaspłatnaj, paźniej uviaduć płatu.

Dla apłaty treba budzie kupić kantramarku. Raniej jaje pradavali tolki ŭ adździaleńniach bankaŭ i strachavych kampanij u punktach propusku, paźniej u prahramu (kab vyklučyć čerhi) uviali sistemu terminałaŭ samaabsłuhoŭvańnia, u jakich kiroŭca atrymaje elektronnuju kantrolnuju marku z QR-kodam, jana i pakazvajecca pamiežniku.

Čytajcie taksama:

Ułady prydumali, jak jašče dadatkova zarabić na miažy

Na litoŭska-biełaruskaj miažy ŭ Łavaryškach tych, chto jedzie ź Biełarusi, abniuchvaje i abšukvaje sabaka. I atrymlivaje za heta pačastunak

Jaki transpart buduć zabirać u biełarusaŭ padčas mabilizacyi i ŭ vajenny čas

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?