Ropkie praanalizavaŭ videa abstrełu Kanstancinaŭki, jakoje 6 vieraśnia apublikavaŭ prezident Ukrainy Uładzimir Zialenski, i vykazaŭ zdahadku, što rakieta prylacieła z boku Ukrainy.

Pry hetym Ropkie adznačyŭ, što i Rasija, i Ukraina vykarystoŭvajuć rakiety, jakija možna zaprahramavać na palot pa niepramoj trajektoryi. 

Levijeŭ taksama vyvučyŭ videa, jakoje vykłaŭ Zialenski. Jon pryjšoŭ da vysnovy, što rakieta prylacieła z paŭnočnaha zachadu, dzie znachodziacca pazicyi ŭkrainskaj armii. Levijeŭ navat vykazaŭ zdahadku, što rakieta była vypuščanaja ŭkrainskim samalotam. 

«My nie dumajem, što heta byŭ metanakiravany ŭkrainski ŭdar pa svaich ža, chutčej, heta była trahičnaja vypadkovaść», — zajaviŭ zasnavalnik SIT. 

U Kijevie śćviardžajuć, što horad abstralali rasijskija vojski. Zajavy, što da abstrełu mohuć być datyčnyja ŭkrainskija vajskoŭcy, tam nie kamientavali. Rasijski bok abstreł nie kamientavaŭ. 

U vyniku abstrełu rynku ŭ Kanstancinaŭcy zahinuli 16 čałaviek, jašče 33 atrymali ranieńni.

Клас
6
Панылы сорам
36
Ха-ха
1
Ого
6
Сумна
17
Абуральна
6