Uładzimir Pucin. Fota: Contributor / Getty Images

Uładzimir Pucin. Fota: Contributor / Getty Images

Prezident Rasii Uładzimir Pucin jašče nie abjaŭlaŭ pra ŭdzieł u vybarach, ale vidavočna, što ŭ vypadku vyłučeńnia jaho kandydatury skłaści kankurencyju nie zmoža nichto, zajaviŭ pres-sakratar kiraŭnika dziaržavy Dźmitryj Piaskoŭ u intervju RBK.

«Prezident jašče nie zajaŭlaŭ, što budzie vyłučać svaju kandydaturu. Kali my vykažam zdahadku, što prezident usio ž taki vyłučyć svaju kandydaturu, to vidavočna, što realnuju kankurencyju ŭ našaj krainie na ciapierašnim etapie prezidentu nichto skłaści nie moža», — skazaŭ Piaskoŭ.

Jon dadaŭ, što Pucin «karystajecca absalutnaj padtrymkaj nasielnictva». «Heta vialikija mahčymaści i vialikaja adkaznaść», — adznačyŭ pres-sakratar.

Vybary prezidenta Rasii majuć adbycca ŭ sakaviku 2024 hoda.

U 2020 hodzie ŭ Kanstytucyju Rasii ŭnieśli papraŭki. Pavodle ich, adna i taja ž asoba nie moža zajmać pasadu kiraŭnika dziaržavy bolš za dva terminy (raniej było «bolš za dva terminy zapar»). Adnak papraŭki abnulili terminy dla Pucina.

Dla Pucina ciapierašni termin užo čaćviorty ź liku (2000—2008, 2012 — 2024). Jon pakul nie abviaščaŭ pra ŭdzieł u vybarach, ale adznačaŭ, što ŭ suviazi z pryniatymi papraŭkami maje mahčymaść bałatavacca. «Ja dla siabie jašče nie pryniaŭ rašeńnie, ci pajdu ja, ci nie pajdu na vybary ŭ 2024 hodzie. <…> Ale farmalna hety dazvoł jość ad naroda», — kazaŭ jon u śniežni 2020 hoda.

Raniej Piaskoŭ vykazvaŭ upeŭnienaść, što Pucin znoŭ budzie abrany. U žniŭni The New York Times apublikavała nastupnuju cytatu pres-sakratara: «Našy prezidenckija vybary — heta nie zusim demakratyja, heta darahaja biurakratyja. <…> Spadar Pucin budzie pieraabrany ŭ nastupnym hodzie bolš čym z 90% hałasoŭ».

Клас
1
Панылы сорам
2
Ха-ха
5
Ого
1
Сумна
0
Абуральна
2