Asnoŭnaja praca tyktokiera — sačyć za ahladnym radyjołakataram «Irtyš». Vialiki kupał kala Nacyjanalnaha aeraporta staić prosta ŭ poli.

U avijacyi Jura Maksimčyk 12 hadoŭ. Pakul chałasty byŭ, hrošaj chapała. Ažaniŭsia, dvoje dziaciej. Kredyt visić, usich treba abuć, apranuć, mašynu zapravić.

  Fota: asabisty archiŭ surazmoŭcy

Fota: asabisty archiŭ surazmoŭcy

Znajšoŭ padpracoŭku. Hrafik avijainžyniera — dva praz dva. «Kruciŭsia ŭ dastaŭcy ježy, vaziŭ meblu», — raspaviadaje błohier. 

A potym źniaŭ pieršy skietč. 

Kantent z žyćcia

«Chłopiec z rajona» — tak piša pra siabie ŭ šapcy profilu tyktokier.

Namacaŭ recept — być sapraŭdnym. Jura Maksimčyk — sielski chłopiec, ź vioski Hałaŭnincy, što ŭ Lachavickim rajonie. Trasianka — fišačka. Nu i artystyzm z charyzmaj — na miescy.

@maksimurka

Batia prosto očień dobryj , lubit vsiem pomohať!) Bo nalivajuť pośle raboty

♬ orihinalnyj zvuk - Igor Nostalgia

Vobraz pracuje — 500 tysiač padpisčykaŭ u tyktoku i 165 tysiač u instahramie.

Pieršy rolik źniaŭ uviesnu 2022 hoda, kab prosta žonku paviesialić. Jana ŭhavaryła zalić tvorčaść u sieciva. Za dzień skietč sabraŭ miljon prahladaŭ.

«Mały nie chacieŭ jeści kašu, a mamka jamu: usie dzietki jak dzietki, sała i cybuli, supu najaducca, a ty ŭsio prysmaki vybiraješ», — zhadvaje siužet tyktokier.

 

Mnohaje dla vobrazaŭ Jura Maksimčyk uziaŭ u baćkoŭ. Jany roliki hladziać, siabie paznajuć.

Pośpiech

Instagram mocna padciahnuŭ papularnaść — na vulicy pačali paznavać. 

«Pajšła rekłama. Na pieršyja rekłamnyja dyvidendy kupiŭ śviatło, biespravadnuju piatlicu, stabilizatar. I ajfon, kab kamiera — z kinaefiektam. I žoncy taki ž, kab nie kryŭdziłasia», — śmiajecca Jura Maksimčyk.

Dźvie rekłamy za miesiac pierakryvajuć zarpłatu inžyniera. Tamu Jura dapracoŭvaje kantrakt i sychodzić z avijacyi. 

 

@maksimurka

Nastojaŝij mužik srazu znajet , čto nielzia!

♬ orihinalnyj zvuk - Jurka Maksimčik

Zadumka na budučyniu — zdymać sieryjał u vioscy, takija «Svaty» na minimałkach. Kamandu ŭžo sabraŭ.

 

Zapasnoha aeradroma Juraś Maksimčyk nie šukaje, kali raptam z trendu vylecić. Pakul prahlady tolki rastuć. Padpisčyki navat prosiać vypuścić mierč z cytatami hierojaŭ rolikaŭ. Baćkam tady — rojałci za kapirajty.

Čytajcie taksama:

Piać biełaruskich artystaŭ, jakich vy možacie nie viedać, ale ich słuchajuć sotni tysiač

Aŭtar 21 tysiačy artykułaŭ u Vikipiedyi sudziŭsia z BRSM-aktyvistkaj. Što ź imi paśla hetaha stała

Biełarus vyrabiŭ sała ŭ šakaładzie i sabraŭ u tyktoku bolš za miljon prahladaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?