Karyn Knajsl u rasijskaj hłybincy. Fota: vidsboku.com

Karyn Knajsl u rasijskaj hłybincy. Fota: vidsboku.com

Byłaja ministarka zamiežnych spraŭ Aŭstryi Karyn Knajsl, jakaja viadomaja tym, što tancavała na svaim viasielli z prezidentam RF Uładzimiram Pucinym, pierajedzie žyć u Sankt-Pieciarburh. Pra heta Knajsl raspaviała rasijskamu ahienctvu TASS na palach Uschodniaha ekanamičnaha forumu.

Knajsl skazała, što pierajedzie ŭ Pieciarburh dla pracy ŭ centry G. O. R. K. I. (The Geopolitical Observatory for Russia's Key Issues), jakim jana kiruje.

«Ja była suzasnavalnikam centra G. O. R. K. I. i kiruju im. Tak jak tam vielmi šmat pracy i jon patrabuje šmat uvahi, ja nie mahu zajmacca hetym pieryjadyčna, ja vyrašyła dla hetaj pracy pierajechać u Sankt-Pieciarburh», — skazała byłaja kiraŭnica aŭstryjskaj dypłamatyi.

Knajsl zajmała pasadu kiraŭnika MZS Aŭstryi z 2017 da 2019 hoda. Hetym letam jana žyła ŭ Razanskaj vobłaści.

Knajsl uvachodziła ŭ radu dyrektaraŭ rasijskaha naftavaha hihanta «Rasnafta» ŭ jakaści niezaležnaha dyrektara ŭ 2021 hodzie. Jana vyjšła z rady dyrektaraŭ «Rasnafty» ŭ mai 2022 hoda paśla taho, jak Rasija ŭvarvałasia va Ukrainu.

Na asabistym veb-sajcie Knajsl skazana, što jana pakinuła rodnuju krainu praz pahrozy zabojstvam i «faktyčnuju zabaronu na pracu ŭ Aŭstryi».

Toje samaje viasielle, jakoje było piać hadoŭ tamu, 18 žniŭnia 2018 hoda. Fota: Alexei Druzhinin / Sputnik / Kremlin Pool Photo via AP

Toje samaje viasielle, jakoje było piać hadoŭ tamu, 18 žniŭnia 2018 hoda. Fota: Alexei Druzhinin / Sputnik / Kremlin Pool Photo via AP

Knajsl trapiła ŭ zahałoŭki haziet u 2018 hodzie, kali Pucin naviedaŭ jaje viasielle. Abaich tady sfatahrafavali padčas tanca, nahadvaje «Jeŭrapiejskaja praŭda».

Čytajcie taksama:

Byłaja kiraŭnica MZS Aŭstryi, jakaja tancavała z Pucinym, pierajechała pad Razań. I tam joj vielmi padabajecca

Byłaja kiraŭnička MZS Aŭstryi ŭvajšła ŭ radu dyrektaraŭ «Rasnafty». Heta na jaje viasielli tancavaŭ Pucin

Pucin tańčyć ź ministarkaj zamiežnych spraŭ Aŭstryi na jaje viasielli FOTA

Клас
1
Панылы сорам
5
Ха-ха
2
Ого
0
Сумна
0
Абуральна
2