Deni Sasu-Nhieso (źleva) byŭ adnym z afrykanskich lidaraŭ, jakija prylatali da Pucina ŭ Sankt-Pieciarburh u lipieni hetaha hoda. Fota: Contributor / Getty Images

Deni Sasu-Nhieso (źleva) byŭ adnym z afrykanskich lidaraŭ, jakija prylatali da Pucina ŭ Sankt-Pieciarburh u lipieni hetaha hoda. Fota: Contributor / Getty Images

79-hadovy prezident krainy Deni Sasu-Nhieso ciapier znachodzicca ŭ Ńju-Jorku, a miascovyja vajskoŭcy, skarystaŭšysia jahonaj adsutnaściu, stali brać pad kantrol klučavyja abjekty ŭ stalicy.

U miascovych sacsietkach źjaviłasia infarmacyja, što za pieravarotam moža stajać kiraŭnik prezidenckaj hvardyi hienierał Sierž Aba.

Deni Sasu-Nhieso — adzin z afrykanskich prezidentaŭ-doŭhažycharoŭ. Jon upieršyniu staŭ kiraŭnikom krainy 8 lutaha 1979 hoda, pryčym heta taksama stała vynikam dziaržaŭnaha pieravarotu. Kali b ličyć jahonaje kiravańnie ad hetaj daty, to Sasu-Nhieso siońnia ŭznačalvaŭ by śpisak lidaraŭ krain va ŭsim śviecie pavodle ahulnaha prezidenckaha stažu, bo lidar Ekvataryjalnaj Hviniei Teadora Abijanh Nhiema Mbasoha, jaki niadaŭna prylataŭ u hości da Łukašenki, pryjšoŭ da ŭłady ŭ tym ža 1979-m, ale tolki praz paŭhoda — 3 žniŭnia.

Adnak, u adroźnieńnie ad Nhiema Mbasoha, prezidencki staž Deni Sasu-Nhieso pieraryvaŭsia. Hety lidar u svajoj palitycy ŭ 1980-ja hady aryjentavaŭsia na SSSR, i kali toj, zaniapaŭšy, nie zmoh bolej padtrymlivać svaich aŭtarytarnych satelitaŭ u Afrycy, tyja, apynuŭšysia ŭ składanaj situacyi, musili ź jaje vybłytvacca jak chto ŭmieŭ. Sasu-Nhieso byŭ siarod tych, chto nie staŭ u pačatku 1990-ch trymacca za ŭładu siłaj, a pravioŭ u žniŭni 1992 hoda kankurentnyja vybary, jakija prajhraŭ, nabraŭšy ŭsiaho 17%.

Ale ŭ 1997 hodzie jon va ŭmovach hramadzianskaj vajny, jakaja razharnułasia pry kiravańni libieralnaha prezidenta Paskala Lisuba, pry dapamozie vojskaŭ susiedniaj Anhoły zdoleŭ znoŭ zachapić viarchoŭnuju ŭładu i z toj pary jaje nie addaje. Naturalna, što nijakich elemientaŭ demakratyi ŭ takich umovach u krainie nie nazirajecca.

Čytajcie taksama:

Vajskovych ataše 14 krain Afryki pakatali ŭ Biełarusi na traktary

U Biełaruś prylacieŭ prezident Ekvataryjalnaj Hviniei — rekardsmien pa ŭtrymańni ŭłady ŭ sučasnym śviecie

Vajskoŭcy ŭ Habonie skasavali vyniki prezidenckich vybaraŭ. Baćka i syn Bonha kiravali krainaj doŭhija 56 hadoŭ

Клас
4
Панылы сорам
4
Ха-ха
0
Ого
3
Сумна
3
Абуральна
0