ataka na moście Šambat ataka na most Šambat the Shambat Bridge attack

Padarvany aŭtamabil z vajskoŭcami hrupoŭki «Siły chutkaj padtrymki» na moście Šambat. Skrynšot ź videa / CNN

Jak pakazała rasśledavańnie CNN, ukrainskija śpiecsłužby, vierahodna, stajali za sieryjaj udaraŭ bieśpiłotnikaŭ i naziemnaj apieracyjaj, nakiravanymi suprać vajenizavanaj hrupoŭki «Siły chutkaj padtrymki» (SCHP), jakaja atrymlivaje dapamohu ad PVK «Vahnier» u baraćbie za kantrol nad krainaj.

U razmovie z CNN ukrainskaja vajskovaja krynica acharaktaryzavała apieracyju jak pracu «niesudanskich vajskoŭcaŭ». Na pytańnie ab tym, ci staić za atakami Kijeŭ, byŭ atrymany adkaz, što, «vierahodna, adkaznaść za heta niasuć ukrainskija śpiecsłužby».

CNN nie zmahła niezaležna paćvierdzić datyčnaść Ukrainy da sieryi ŭdaraŭ, ale videamateryjały, atrymanyja kampanijaj, vyjavili admietnyja rysy napadaŭ dronaŭ va ŭkrainskim styli.

Kadry pavietranych i naziemnych atak. Videa: roguerocket / YouTube

Ekśpierty śćviardžajuć, što jak minimum vosiem udaraŭ było ździejśniena dronami dźviuch madyfikacyj, jakija šyroka vykarystoŭvajucca ŭkraincami. Pry hetym na videa vidać ukrainski tekst na kantrolery adnaho drona.

Choć drony raniej vykarystoŭvalisia dla skidańnia bombaŭ u Efiopii, Nihieryi i Livii, vykarystańnie taktyki pikiravańnia na cel — novaja zjava ŭ Afrycy.

Pa słovach vysokapastaŭlenaj sudanskaj krynicy, udary adbylisia ŭsiaho praz dva dni paśla taho, jak PVK «Vahnier» praz Čad praviała vialiki kanvoj sa zbrojaj harnizona SCHP na zachadzie krainy. Hetaja pastaŭka śviedčyć ab tym, jaki bok Rasija i «Vahnier» padtrymlivajuć u Sudanie.

Vysokapastaŭlenaja sudanskaja krynica paviedamiła CNN, što ad PVK «Vahnier» SCHP atrymała kala 90% usioj svajoj zbroi. Pastaŭki praciahvajucca, niahledziačy na śmierć Jaŭhiena Pryhožyna.

Šeść udaraŭ bieśpiłotnikaŭ było nacelena na pikapy, jakija prajazdžali pa moście Šambat, jaki złučaje horad Amdurman i stalicu krainy Chartum. Vosiem inšych udaraŭ źniščyli pryparkavanyja aŭtamabili, budynki i ŭzbrojenych ludziej u Amdurmanie i jaho zachodnim pryharadzie, dzie sudanskija vajskoŭcy za apošnija tydni praviali sieryju pavietranych atak na pazicyi SCHP.

Jak śćviardžajecca, niekalki ŭdaraŭ pa moście Šambat supadajuć z paviedamleńniami ŭ sacyjalnych sietkach ab napadzie, jaki adbyŭsia 8 vieraśnia.

CNN paviedamlaje, što Ukraina aficyjna nie ŭziała na siabie adkaznaść za ŭdary, jakija byli adlustravanyja na videa bieśpiłotnikaŭ.

Čytajcie jašče:

Ci moža Pryhožyn pierabazavacca ŭ Afryku? Voś što ŭjaŭlaje saboj afrykanskaja sietka PVK «Vahnier»

Sudan: Dziaržsakratar ZŠA abviaściŭ trochdzionnaje pieramirje. Ci vykonvajecca jano, niezrazumieła

Sproba vajskovaha pieravarotu ŭ Sudanie. Tam pačalisia sutyknieńni pamiž armijaj i «džynami na koniach»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?