«Zdareńnie vyklikała isteryku ŭ najvyšejšych vajskovych kalidorach — na aeradromie mieściacca ŭradavyja samaloty, tak zvanyja «samaloty Sudnaha dnia» i śpiecyjalnyja samaloty (samaloty-raźviedčyki)», — piša HUR.
Nieviadomymi asobami na aeradromie, jaki staranna achoŭvajecca, była zakładziena vybuchoŭka i padarvanyja samaloty AN-148 i Ił-20, a taksama viertalot Mi-28N, jaki da hetaha aktyŭna pryciahvaŭsia da źbićcia ŭdarnych dronaŭ nad Maskoŭskaj vobłaściu, śćviardžajuć ukrainskija raźviedčyki.
Paškodžańni samalotaŭ nie dazvolać raźličvać na ich chutkaje adnaŭleńnie. U viertalota vybucham paškodžana chvastavaja častka. Jašče adzin AN-148, jaki znachodziŭsia pobač z astatnimi na stajancy, atrymaŭ niaznačnyja paškodžańni, havorycca ŭ paviedamleńni.
