Protaijerej Jaŭhien Pavialčuk. Krynica: podvorie-sofia.bg

Protaijerej Jaŭhien Pavialčuk. Krynica: podvorie-sofia.bg

Zhodna z paviedamleńniem Dziaržaŭnaha ahienctva nacbiaśpieki Bałharyi, z krainy majuć źjechać hramadzianin Rasii i hramadzianie Biełarusi (ich inicyjały pryvodziacca pa-rusku — N. Z., i Je. P., i V. B. adpaviedna), taksama im zabaroniena naviedvać Bałharyju ciaham piaci hadoŭ. Pradstaŭnica rasijskaha MZS Maryja Zacharava patłumačyła, što havorka idzie pra nastajaciela padvorka RPC u Safii archimandryta Vasijana (Mikałaja Źmiejeva), sakratara patryjaršaha padvorka Jaŭhienija i supracoŭnika chrama.

Aficyjna pryčyny vysyłki sfarmulavanyja tak: «Miery prymienienyja ŭ suviazi ź ich dziejnaściu, skiravanaj suprać nacyjanalnaj biaśpieki i intaresaŭ Respubliki Bałharyja».

Archimandrytu Vasijanu Źmiejevu 48 hadoŭ. U Biełaruś jon trapiŭ u vieraśni 2015-ha, praz paŭtary hady paśla taho, jak tudy byŭ pryznačany inšy rasijanin — były kiraŭnik BPC mitrapalit Pavieł (Panamaroŭ). Pasada Źmiejeva ŭ Biełarusi — pradstaŭnik Patryjarcha Maskoŭskaha i ŭsiaje Rusi ŭ Biełaruskim ekzarchacie.

Archimandryt Vasijan Źmiejeŭ. Fota: podvorie-sofia.bg

Archimandryt Vasijan Źmiejeŭ. Fota: podvorie-sofia.bg

Akramia hetaha, na toj čas ihumienu Vasijanu dali svoj chram — Pakroŭski prychod u Minsku, dzie toj niekalki hadoŭ słužyŭ nastajacielem. Adznačym, što hety chram znachodzicca na praśpiekcie Pieramožcaŭ i zusim blizka da Drazdoŭ, to-bok heta nie biedny prychod, nie kažučy i pra mahčymaść zaviazać u hetym prychodzie naležnyja suviazi.

U 2016-m Źmiejevu dali san archimandryta, a ŭ sakaviku 2018-ha pieraviali ź Minska ŭ Safiju. 12 vieraśnia 2023-ha archimandrytu zabaranili ŭjezd u Paŭnočnuju Makiedoniju, taksama z krainy vysłali troch rasijskich dypłamataŭ. Tłumačeńnie na ŭsich adno — ździajśnieńnie rasijanami dziejańniaŭ, jakija parušajuć Vienskuju kanviencyju ab dypłamatyčnych znosinach.

Pravasłaŭny publicyst Illa Zabiažynski prakamientavaŭ padziei vakoł Źmiejeva: «Pišuć, što archimandryt kožny miesiac kataŭsia ŭ Paŭnočnuju Makiedoniju i muciŭ tam u carkoŭnych kołach za padtrymku RF u vajnie. Bałharski ŭrad, a Bałharyja — siabar NATA i adzin z samych aktyŭnych pastaŭščykoŭ zbroi Ukrainie, — taksama zakłapaciŭsia praz hetaje pytańnie. […] U carkoŭnym asiarodździ BPC ja čuŭ niamała historyj, jak nastajaciel ruskaha padvorka ŭ Safii karumpiruje bałharskich mitrapalitaŭ finansava, a taksama praz staryja kadebešnyja suviazi, padahravajučy ich prapucinska-kiryłaŭskija pazicyi i simpatyi».

Akramia ruskaha archimandryta, Safiju musić pakinuć i protaijerej Jaŭhien Pavialčuk, sakratar padvorka RPC. Hety biełarus byŭ pryznačany ŭ Safiju ŭ lipieni 2019-ha hoda, a da taho słužyŭ u minskim Śviata-Jelisaviecinskim manastyry — tym samym, što akazvaje padtrymku rasijskaj armii na Danbasie, źbiraje dla jaje dapamohu i ahituje pisać listy akupantam.

Pierad tym, jak trapić u Minsk, Pavialčuk słužyŭ u Hrodnie, dzie adkazvaŭ na jeparchijalnym uzroŭni za supracoŭnictva z vajennymi strukturami.

Padčas svajho słužeńnia Jaŭhien aktyŭna arhanizoŭvaŭ u jeparchii vajskova-patryjatyčnyja kłuby: 2007 hod — «Družyna» ŭ Ščučynie, 2009 hod — «Słavianie» ŭ Hrodnie. U 2011-m hodzie ŭ jeparchii taksama byli stvoranyja kłuby «Vajavoda» i «Biełaja Ruś». 

Tam dziaciej vučyli karystacca zbrojaj, ładzili zaniatki rukapašnaha boju i fizičnaj padrychtoŭki. U 2015-m hodzie «Naša Niva» apublikavała rasśledavańnie, jakoje śviedčyła pra suviaź hetych kłubaŭ z prarasijskimi aktyvistami, dziejnymi siłavikami i kazakami. I ŭ 2017-m hodzie Pavielčuka pieravodziać u Minsk: spačatku na niekalki miesiacaŭ u chram Afanasija Bresckaha, a potym — u Śviata-Jelisaviecinski manastyr.

Što da druhoha vysłanaha biełarusa, to ŭ miascovych miedyja pišuć, što havorka pra Uładzimira Bańko — adnajmienny fatohraf rabiŭ zdymki bohasłužeńniaŭ, raźmieščanyja na sajcie padvorka.

Bolš patryjaršaha pradstaŭnika ŭ Biełaruskim ekzarchacie nie budzie?

Na fiestyvali, arhanizavanym Śviata-Jelicaviecinskim manastyrom, padletkaŭ vučyli źbirać i raźbirać aŭtamaty

Chto taki kazak Piatro Šapko, jaki sprabuje zabaranić bieł-čyrvona-bieły ściah?

Клас
30
Панылы сорам
3
Ха-ха
2
Ого
4
Сумна
1
Абуральна
10

Chočaš padzialicca važnaj infarmacyjaj ananimna i kanfidencyjna?