Ramzan Kadyraŭ z synam Adamam

Ramzan Kadyraŭ z synam Adamam

«Pabiŭ i pravilna zrabiŭ. Bolš za toje, ja liču, što toj, chto pakvapiŭsia na luboje Śviatoje Pisańnie, u tym liku demanstratyŭna spalvaje jaho, abraziŭ hetym dziasiatki miljonaŭ hramadzian našaj vialikaj krainy, pavinien panieści surovaje pakarańnie», — śćviardžaje aŭtarytarny čačenski kiraŭnik.

Paśla čaho pierachodzić da maralizatarstva: maŭlaŭ,

«nizkija ŭčynki zamachu na śviatoje ŭłaścivyja tolki ludziam cyničnym, amaralnym, bieschrybietnym i pradažnym, achvotnym unieści razład u hramadstva, jakoje naša dziaržava haduje ŭ ideałach talerantnaści, pamiarkoŭnaści i lubovi adno da adnaho».

A «hetyja miarzotniki nie razumiejuć movy pierakanańnia, nie chočuć budavać dziaržavu, raźvivać jaje… Takija pravakatary i zdradniki — chvoraja puchlina na ciele, jakuju treba vypalvać», — pahražaje Ramzan Kadyraŭ i dadaje, što hanarycca ŭčynkam syna i «pavažaje jaho vybar».

Sam Ramzan Kadyraŭ u kadry nie źjaŭlajecca, usio heta vykładajecca ŭ tekstavaj viersii. Što tolki dadaje vahi čutkam, što ŭ čačenskaha dyktatara vielmi kiepska sa zdaroŭjem, dziela čaho jon nie choča ci nie moža pakazvacca na publicy. 

Mikitu Žuraŭla zatrymali viasnoj u Vałhahradzie paśla akcyi sa spaleńniem Karana kala miačeci. Jak śćviardžaje Śledčy kamitet Rasii, mužčyna pryznaŭsia, što nibyta zrabiŭ heta za hrošy pa ŭkazańni ŭkrainskich śpiecsłužbaŭ. Paźniej Žuraŭla dastavili ŭ Čačniu.

Čytajcie taksama:

U siecivie «chavajuć» Kadyrava. Ale siońnia jon apublikavaŭ videa z saboju — upieršyniu za dva tydni

Paplečnik Kadyrava apublikavaŭ videa ź im. Raniej zajaŭlałasia, što Adam Delimchanaŭ byŭ zabity ci paranieny va Ukrainie

Kadyraŭ nazvaŭ «hniusnaj zdradaj» miaciež Pryhožyna

Клас
2
Панылы сорам
5
Ха-ха
0
Ого
1
Сумна
2
Абуральна
41