Łukašenka ahladaje miesca dla budaŭnictva porta ŭ Pieciarburhu, 2022 hod. Fota: president.gov.by
Pieršy prajekt — heta sumiesnaja vytvorčaść i absłuhoŭvańnie samalotaŭ.
«Havorka išła ab sumiesnaj vytvorčaści samalotaŭ nievialikaj umiaščalnaściu, jakija vielmi zapatrabavanyja i patrebnyja ŭ Rasijskaj Fiederacyi. Jak skazaŭ prezident Rasii: ad bujnych aeraportaŭ da dalokich pasiołkaŭ, rehijonaŭ takija samaloty zapatrabavanyja, tym bolš jany mohuć ažyćciaŭlać pasadku na hrunt», — rastłumačyŭ Łukašenka.
Na jaho dumku, Biełaruś vałodaje adpaviednymi kampietencyjami, tamu Pucin prapanavaŭ hety samalot pabudavać razam ź biełaruskim bokam, a taksama bolš intensiŭna asvojvać vytvorčaść asobnych kampanientaŭ dla Ił-96 i absłuhoŭvać ich u Biełarusi.
«My heta možam zrabić. Heta vielmi vialiki kavałak pracy», — skazaŭ Łukašenka.
Jašče adzin prajekt, jaki abmierkavali Łukašenka i Pucin, — heta budaŭnictva druhoj čyhunačnaj vietki ad Biełarusi na Sankt-Pieciarburh i vobłaść dla taho, kab była mahčymaść pieravozić vialikija abjomy hruzaŭ u rasijskija party i «adtul pracavać na ŭvieś śviet».
«Vy razumiejecie, što dla nas heta vielmi važna. My zajmajemsia partovym budaŭnictvam tam, infrastrukturaj. Ale vuzkaje miesca ŭ nas — čyhunka», — skazaŭ Łukašenka hubiernataru Leninhradskaj vobłaści.
U červieni stała viadoma, što Biełaruś admoviłasia budavać svoj port u Rasii paśla zakryćcia praz sankcyi dostupu da marskich partoŭ u Bałtyi, a budzie vykarystoŭvać dla ekspartu svaich hruzaŭ sietku rasijskich marskich partoŭ.
Čytajcie taksama:
Jakija rasijskija party vykarystoŭvajucca dla pieravałki biełaruskich hruzaŭ
