Samyja staryja sandali ŭ Jeŭropie. Fota: Universal History Archive / Contributor Getty Images

Samyja staryja sandali ŭ Jeŭropie. Fota: Universal History Archive / Contributor Getty Images

Navukoŭcy zmahli vyjavić samy stary abutak u Jeŭropie, jakomu bolš za 6000 hadoŭ. Heta stała vynikam daśledavańnia znachodak u adnoj ź ispanskich piačor, paviedamlaje vydańnie NBC News.

Piačora Cueva de los Murciélagos de Albuñol, što na poŭdni Ispanii, była znojdzienaja i razrabavanaja šachciorami ŭ XIX stahodździ. Tady jany adkapali mumii ludziej, zuby dzikaha kabana, załatuju karonu i jašče šmat rečaŭ, jakimi karystalisia staražytnyja ludzi. Bolšaja častka kaštoŭnaściaŭ była źniščanaja ŭ vyniku zdabyčy karysnych vykapniaŭ, acalełaja ž častka skarbu apynułasia ŭ muziejach Madryda i Hranady albo ŭ miascovych žycharoŭ.

Navukoŭcy paśpieli praanalizavać 76 z zachavanych znachodak i vyjavili siarod ich košyki i ceły nabor sandalaŭ z kavylu — adnaho ź vidaŭ travy, jakaja vykarystoŭvałasia ŭ ramiostvach na Pireniejskim paŭvostravie i ŭ Paŭnočnaj Afrycy.

«Hety nabor sandalaŭ ujaŭlaje saboj samuju rańniuju i raznastajnuju kalekcyju dahistaryčnaha abutku jak na Pireniejskim paŭvostravie, tak i ŭ Jeŭropie, jakaja nie maje anałahaŭ u inšych šyrotach», — havorycca ŭ daśledavańni, na jakoje spasyłajecca vydańnie NBC News.

Amal usie 20 sandalaŭ z naboru naležali dzieciam. Ad bolšaści ź ich zastalisia tolki padešvy, ale na niekatorych usio ž taki zachavalisia łancužki, jakija prymacoŭvali abutak da nahi. Padobnaha typu lohkija tufli byli znojdzienyja pa ŭsioj Jeŭropie, ale jany vyrablalisia ź inšych materyjałaŭ. Niekatoryja sandali byli vidavočna nošanyja, ale inšyja mahli być zroblenyja śpiecyjalna dla pamierłych.

Adsutnaść vilhaci i prachałodnaje pavietra zachavali rečy, jakija zastalisia ad staražytnych ludziej. Tamu navat takija sandali, zroblenyja z kavylu, dajšli da našych časoŭ u adnosna dobrym stanie, pišuć navukoŭcy. Heta zrabiła ich rečami, jakija najlepš zachavalisia va ŭsioj Paŭdniovaj Jeŭropie.

Nahadajem, što niadaŭna my pisali pra jašče adny znachodki ŭ ispanskich piačorach, jakija pralili śviatło na pobyt staražytnych ludziej. Navukoŭcy tady vyśvietlili, što ŭ epochu rańniaha niealitu ludzi adkopvali pareštki pamierłych surodzičaŭ i vykarystoŭvali ich u jakaści posudu i instrumientaŭ.

Čytajcie taksama:

«Heta sapraŭdnaje šancavańnie». Na raskopkach u Połacku znajšli skandynaŭskuju zašpilku XI stahodździa ŭ formie dla adliŭki

Navukoŭcy ŭpieršyniu adnavili RNK vymierłaj žyvioły. Jany spadziavajucca viarnuć u śviet stračanyja vidy

U Šatłandyi adnavili dom Šreka i zdajuć jaho ŭ arendu praz Airbnb

Клас
5
Панылы сорам
0
Ха-ха
0
Ого
6
Сумна
0
Абуральна
6