30.09.2023
/ 21:26 / Ałharytmičny łacinski varyjant
Supracoŭnika carkvy aštrafavali za niesankcyjanavany chresny chod
Letam hetaha hoda hrupa ź dziesiaci čałaviek prajšła šeściem pa viaskovaj darozie ŭ Ščučynskim rajonie Hrodzienskaj vobłaści. Samo mierapryjemstva było ŭzhodniena z abłvykankamam, ale, mahčyma, udzielniki parušyli maršrut, bo 15 vieraśnia arhanizatara šeścia pryznali vinavatym u niesankcyjanavanym pikietavańni i aštrafavali na 740 rubloŭ, paviedamlaje «Chryścijanskaja vizija».
U pastanovie, raźmieščanaj na partale pravo.by, skazana, što B. «pravioŭ u 18 hadzin 50 chvilin inšaje masavaje mierapryjemstva», «vinavatym siabie całkam nie pryznaŭ». Sprava razhladałasia ŭ dačynieńni da supracoŭnika chrama, jaki žyvie ŭ Biešankovičach (Viciebskaja vobłaść) i pracuje pamočnikam błahačynnaha pa budaŭnictvie chrama praroka Illi, daviedaŭsia «Pozirk».
Błahačynnym cerkvaŭ Biešankovickaha rajona źjaŭlajecca protaijerej Mikałaj Kisiel, a nastajacielem chrama praroka Illi — protaijerej Vital Kisiel.
Čytajcie taksama:
Padtrymajcie palitviaźnia Anatola Puhača, jaki chvareje na ankałohiju
«Zabiaśpiečyŭ dostup supracoŭnika milicyi da ekstremisckich materyjałaŭ, tym samym raspaŭsiudziŭ hetu pradukcyju». U Bierazinie čałavieka asudzili z takoj farmuloŭkaj
Palitźniavolenuju maci dvaich niepaŭnaletnich dziaciej buduć sudzić pavodle piaci kryminalnych artykułaŭ
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
