Etničnaja armianka z Nahornaha Karabacha niasie svoj čamadan u namiotavy łahier paśla prybyćcia ŭ armianski Horys (Siunikskaja vobłaść, Armienija) pozna ŭviečary ŭ piatnicu, 29 vieraśnia. Vasily Krestyaninov / AP
«Nievialikaja hrupa addanych svajoj spravie ludziej sačyła za sotniami sihnałaŭ i chadziła ad doma da doma, kab evakujavać biezdapamožnych ludziej», — skazaŭ Ściepanian, zaklikaŭšy ŭsich, u kaho jość infarmacyja ab adzinokich abo biezdapamožnych ludziach, jakija zastalisia ŭ Nahornym Karabachu, źviazacca ź Mižnarodnym kamitetam Čyrvonaha Kryža.
Pres-sakratar premjer-ministra Armienii Nazieli Bahdasaran paviedamiła na pres-kanfierencyi, što pa stanie na 20:00 1 kastryčnika ŭ Armienii ŭžo znachodziacca 100 514 vymušanych pierasialencaŭ z Nahornaha Karabacha. Na pačatak 2023 hoda ŭ niepryznanaj respublicy byli zarehistravanyja 120 tysiač čałaviek.
19 vieraśnia armija Azierbajdžana atakavała Nahorny Karabach, Rasija, jakaja davała harantyi biaśpieki, heta praihnaravała, Jerevan paličyŭ za lepšaje nie ŭmiešvacca, i na nastupny dzień Nahorny Karabach kapitulavaŭ.
Čytajcie taksama:
Što takoje Nahorny Karabach i što armianie z azierbajdžancami tam dzielać
