U centry — Dźmitryj Kruty, pasoł Biełarusi ŭ Rasii. Fota: «Puł piervoho»

U centry — Dźmitryj Kruty, pasoł Biełarusi ŭ Rasii. Fota: «Puł piervoho»

Adpaviedny ŭkaz pavinien być padpisany ŭ chutkim časie, pieradaje BiełTA. Jak dakładna budzie nazyvacca kamisija, pakul nieviadoma, ale ŭznačalić jaje pasoł Biełarusi ŭ Rasii Dźmitryj Kruty.

«Prapisvajcie sabie narmalnyja va ŭkazie paŭnamoctvy, — skazaŭ jamu Łukašenka na naradzie. — Viadoma, heta budzie nahruzka na toj aparat, jaki ŭ vas isnuje. Ničoha, ty, jak novy čałaviek, znojdzieš tych ludziej, jakija siońnia ŭ vas niedazahružanyja abo jakija mohuć vykanać bolšy abjom pracy. Ale i tut ministraŭ, aparat urada — treba zadziejničać usich, kaho vy paličycie patrebnym».

Łukašenka zapatrabavaŭ dakładvać jamu niepasredna, kali ŭ pracy kamisii, jakuju ŭznačalić Kruty, buduć uźnikać niejkija pytańni.

«My vystajali. Ciapier treba padymacca z kaleniaŭ, — zajaviŭ Łukašenka. — Sankcyi, nie sankcyi — uvieś śviet i minieralnyja ŭhnajeńni hatovy kuplać, i naftapradukty. Navat u Rasii deficyt. I hetak dalej. Tamu niama takich tavaraŭ u Biełarusi, jakija my nie možam pradać. Prosta treba varušycca».

Kruty kaža, što kamisija budzie ŭnosić prapanovy pa pytańniach łahistyki, čyhunačnych taryfaŭ. Jon dadaŭ, što kamisija zojmiecca najpierš ekspartam u Rasiju.

Kamisija ŭ pieršuju čarhu budzie pracavać z samymi važnymi hrupami tavaraŭ. Paviedamlajecca, što budzie vyznačana 75 hałoŭnych pazicyj.

Клас
0
Панылы сорам
7
Ха-ха
51
Ого
1
Сумна
0
Абуральна
7