Spalnyja kapsuły Spalnyje kapsuły Sleeping capsules

Spalnyja kapsuły. Fota: Brownstone Shared Housing

Jak paviedamlaje vydańnie Businessinsider.com, zasnavalniki startapaŭ i IT-śpiecyjalisty Kramianiovaj daliny płaciać ad 700 da 900 dalaraŭ u miesiac za raźmiaščeńnie ŭ nievialikich kapsułach vyšynioj 1,2 mietra. U toj ža čas arenda kvatery-studyi tam kaštuje 2200 dalaraŭ.

U kapsule moža raźmiaścicca tolki adnaspalny łožak. Spalnia z kapsułami na dvuch uzroŭniach znachodzicca ŭ prastory, abstalavanaj supolnaj kuchniaj i piaćciu vannymi pakojami. Pralnaj mašyny pry hetym niama.

Jak zajaŭlena na veb-sajcie kampanii-raspracoŭščyka kapsuł Brownstone, «asobnyja łožki zajmajuć na 40 adsotkaŭ bolš miesca, čym zvyčajnyja dvuchjarusnyja łožki, i abstalavanyja indyvidualnym aśviatleńniem, štorkami, vientylatarami z rehulavanaj tempieraturaj i inšymi nieabchodnymi pryładami».

Kampanija zapeŭnivaje patencyjnych arandataraŭ, što jany, akramia ŭłasnaha łožka, atrymajuć «dostup biez kluča ŭ budynak u fantastyčnym miescy, dostup da całkam abstalavanaj kuchni i całkam meblavanych pamiaškańniaŭ ahulnaha karystańnia, takich jak haścioŭnia i supolny ofis».

Adzin z žycharoŭ novaj prastory — Kryścijan Ljuis (Christian Lewis) — zasnavalnik kampanii Spellcraft, jakaja zajmajecca štučnym intelektam, pryznaŭsia, što ŭ maleńkich kapsułach «dušnavata». Ale jon moža atrymać asałodu ad spakojnaha vaśmihadzinnaha snu.

Na krytyčnyja zaŭvahi inšych u svaim akaŭncie ŭ Ch jon zaŭvažaje, što takoje raźmiaščeńnie dazvalaje žyć u samim San-Francyska i pry hetym nie płacić 4000 dalaraŭ za miesiac i nie ryzykavać atrymać nažom u śpinu.

Tvit Kristina Ljuisa Tvit Kryścina Ljuisa

Akramia hetaha, na dumku Ljuisa, takoje raźmiaščeńnie stvaraje vydatnuju mahčymaść dla naładžvańnia kantaktaŭ ź inšymi žycharami.

Jak śćviardžajuć vytvorcy, u San-Francyska jany atrymlivajuć šmat zapytaŭ na raźmiaščeńnie ŭ kapsułach z boku ludziej, jakija pracujuć u śfiery IT.

Čytajcie jašče:

Dziakujučy hetamu vynachodnictvu možna spać prosta ŭ ofisie

10 pamyłak, jakija pieraškadžajuć zdarovamu snu

Клас
8
Панылы сорам
9
Ха-ха
5
Ого
1
Сумна
7
Абуральна
5

Chočaš padzialicca važnaj infarmacyjaj ananimna i kanfidencyjna?