Novy kadr ź filma «Džokier: varjactva na dvaich» źjaviŭsia ŭ siecivie. Na fota Chaakin Fieniks biez kłoŭnskaha hrymu staić pad daždžom pamiž ludźmi z roznakalarovymi parasonami. Pa adnoj z fanackich viersij, heta frahmient muzyčnaha numara, jakich budzie niamała ŭ sikviele našumiełaha «Džokiera» 2019 hoda, piša Tochka.by.

Chaakin Fieniks. Fota ź instahrama Toda Filipsa

Chaakin Fieniks. Fota ź instahrama Toda Filipsa

Užo viadoma, što režysioram znoŭ budzieTod Filips, a hałoŭnaj zorkaj stanie piersanaž Artur Flek, jakoha i syhraje Chaakin Fieniks. Nie mienš, a moža, i bolš uvahi fanataŭ pryciahvaje i rola Charli Kvin, bo jaje ŭvasobić na ekranie śpiavačka i aktrysa Łedzi Haha.

Rola Džokiera pryniesła Chaakinu Fieniksu pieršy ŭ jaho žyćci «Oskar». Pa vynikach 2019 hoda za statuetku «Najlepšaja mužčynskaja rola» akramia jaho zmahalisia Adam Drajvier («Šlubnaja historyja»), Leanarda Dy Kaprya («Adnojčy ŭ… Halivudzie»), Džonatan Prajs («Dva papy») i Antonia Banderas («Bol i słava»).

Varta taksama zaznačyć, što «Oskar» za Džokiera ŭ filmie «Ciomny rycar» u 2009 hodzie byŭ prysudžany Chitu Ledžeru (za najlepšuju mužčynskuju rolu druhoha płana).

Adnak atrymać Ledžer nie zmoh. U studzieni 2008 hoda hienijalny aŭstralijski akcior pamior u 28 hadoŭ. Upieršyniu ŭ historyi «Oskar» tady prysudzili paśmiarotna.

Sam film «Džokier» ź Fieniksam raźnieśli kinakrytyki, a voś hledačy acanili vartaści: jon sabraŭ u suśvietnym prakacie bolš za miljard dalaraŭ i zaniaŭ pa hetym pakazčyku siomy radok u śpisie samych kasavych stužak 2019 hoda.

Čytajcie taksama:

Dyrektar «Biełaruśfilma» nazvaŭ premjery 2024 hoda

Novy «Znachar», rymiejk supierchita 1980-ch. Što ŭ im?

Film «Zialonaja miaža»: što chacieła pakazać Ahnieška Chołand i što atrymałasia

Клас
7
Панылы сорам
0
Ха-ха
0
Ого
1
Сумна
0
Абуральна
3