Padčas razhladu materyjałaŭ kryminalnaj spravy stała viadoma toje, što pryčynaj abrazy staršaha śledčaha Sieńnienskaha rajonnaha adździeła Śledčaha kamiteta majora justycyi Alaksandra Harnaka staŭ drenny nastroj Paŭła, jaki nastaŭ paśla taho, jak jon daviedaŭsia pra niespryjalnyja vyniki analizaŭ pa svaim zachvorvańni.

Znachodziačysia ŭ pryhniečanym stanie, asudžany ŭ sacyjalnaj sietcy «Ukantakcie», jak paviedamlajecca, u adnoj z supołak napisaŭ abraźlivy kamientar na adras adnaho z supracoŭnikaŭ miascovaha śledčaha orhana. Adnosna hetaha kamientara była raspačata sprava pa art. 369 (Abraza pradstaŭnika ŭłady) KK RB i byŭ vyniesieny prysud.

Viadoma, što taho ž Paŭła Jakuboviča ciaham tolki hetaha hoda ŭžo dva razy sudzili pa administracyjnych artykułach. Hety prysud dla mužčyny ŭžo treci.

3 krasavika sudździa Ludmiła Tałaj za fotazdymki z BČB-ściaham «Ukantakcie» aštrafavała jaho na 370 rubloŭ, a 6 lipienia sudździa Ina Dosava za padpisku na «ekstremiscki» kanał u tym ža «Ukantakcie» i publikacyju bieła-čyrvona-biełych vyjaŭ u «Fejsbuku» pakarała jaho štrafam u pamiery 1850 rubloŭ.

Čytajcie taksama:

U Homieli asudzili na piać hadoŭ miascovaha pradprymalnika-palitviaźnia

«Mnie nie soramna ni za adnu siekundu svajho žyćcia». Žurnalist Pavieł Mažejka patłumačyŭ matyvy pavodzin na sudzie

Hrodzienskaha śviatara aštrafavali za padpisku na instahram ziemlaka i zabrali telefon

Клас
2
Панылы сорам
3
Ха-ха
2
Ого
0
Сумна
1
Абуральна
21