Vyjava: Figure skating / facebook.com

Vyjava: Figure skating / facebook.com

Łatvija vykazała žadańnie stać suarhanizataram Alimpijskich hulniaŭ u 2030 hodzie, kali asnoŭnaj krainaj praviadzieńnia Alimpijady stanie Šviecyja, piša Delfi.lv.

Łatvijski bok užo abmiarkoŭvaje z kalehami sa Šviecyi pytańnie ab vykarystańni Sihułdskaj trasy i inšaj infrastruktury. Ahulnaja suma mierkavanych vydatkaŭ na praviadzieńnie hulniaŭ pakul nieviadomaja, adnak papiarednija raźliki ŭžo ŭklučajuć u siabie nie mienš za paŭsotni miljonaŭ jeŭra.

58 miljonaŭ jeŭra — prykładna ŭ takuju sumu pavinna abyścisia rekanstrukcyja Sihułdskaj babślejnaj trasy dla ŭdziełu ŭ Alimpijadzie. Hetymi raźlikami padzialiŭsia dyrektar Departamienta sportu Ministerstva adukacyi i navuki Uładzimir Stejnbierhs. Astatnija vydatki, navat papiarednija, pakul ahučanyja nie byli.

Zrešty jon nie vyklučaje, što šviedski bok dapamoža pakryć hetyja vydatki, a sama rekanstrujavanaja trasa dla Łatvii stanie kaštoŭnym ekanamičnym aktyvam.

Haspadar zimovaj Alimpijady 2030 hoda budzie nazvany ŭ lipieni nastupnaha hoda. 

Pra namier pravieści zimovyja Alimpijskija hulni zajavili amierykanski Sołt-Łejk-Sici (horad prymaŭ Alimpijadu ŭ 2002 hodzie), francuzski Pravans.

Taksama zajaŭku źbirajucca padać baśnijski Sarajeva (zimovaja Alimpijada pravodziłasia ŭ 1984 hodzie), kazachstanski Ałmaty, kanadski Kałhary (Alimpijada pravodziłasia ŭ 1988 hodzie), niamiecki Šmalkalden. Mahčyma, zajaŭku padaść Ispanija (Katałonija i Arahon).

Šviecyja ŭžo pravodziła Alimpijadu, ale heta była letniaja Alimpijada ŭ 1912 hodzie.

U 2026 hodzie zimovaja Alimpijada projdzie ŭ italjanskim Miłanie i Karcina-d'Ampieca, pryčym nie vyklučana, što spabornictvy pa sannym sporcie i babślei projduć u inšych krainach, bo trasa ŭ italjanskich Alpach sastareła.

Čytajcie taksama:

Zimovaja Alimpijada ŭpieršyniu projdzie na terytoryi niekalkich krain

Biełarusam nie pakažuć najbujniejšych spartyŭnych spabornictvaŭ novaha siezona — Ejsmant

Čempijanat Jeŭropy pa futbole ŭ 2028 hodzie projdzie na terytoryi piaci asacyjacyj

Клас
6
Панылы сорам
1
Ха-ха
1
Ого
0
Сумна
0
Абуральна
1