Ilja Šymanovič

Ilja Šymanovič

Raniej čaćviora biełaruskich pradstaŭnikoŭ atrymali dopusk na turniry pad ehidaj World Aquatics i dniami vystupili na etapie Kubka śvietu ŭ Budapiešcie ŭ niejtralnym statusie.

Ilja Šymanovič byŭ dziaviatym na sotni brasam i piatym na 50 mietrach, piša «Priessboł».

«My mocna zasumavali pa mižnarodnych startach, ja prosta ŭ zachapleńni ad viartańnia. Pryjechaŭ na Kubak śvietu, i takoje adčuvańnie, što ŭpieršyniu ŭ žyćci znachodzišsia na bujnym turniry. Adčuvańnie, što hetych ludziej ty bačyŭ tolki pa televizary. A ciapier chodziš ź imi pobač, vitaješsia za ruku, kruta, ja ź im znajomy! Emocyi pierapaŭniajuć, ja rady ŭsiamu, što adbyvałasia na Kubku śvietu.

Vielmi ciopła sustreli chłopcy, jakich daŭno nie bačyŭ, pytajucca: jak vy, što ŭ vas čuvać, što adbyvajecca, jak rychtujeciesia. Šmat pytańniaŭ, usio vietłyja, i heta nie moža nie radavać.

Takich emocyj nie chapała. Ty pryvyk da adnoj abstanoŭki, pryvyk płavać adzin abo z kimści, a takoj mocnaj kankurencyi nie chapała. Nie chapała baraćby. Źjavilisia novyja ludzi, pryjazdžaješ, hladziš — vaŭ, novy chutki źjaviŭsia! Pačynaješ padładžvacca, pačynaješ adpaviadać. Heta realna kruta i vielmi cikava!» — kanstatavaŭ płyviec u prahramie «Vyniki tydnia» na kanale «Biełaruś 5».

Nahadajem, što paśla poŭnamaštabnaha ŭvarvańnia Rasii va Ukrainu z vykarystańniem biełaruskaj terytoryi bolšaść spartyŭnych fiederacyj adchiliła ad spabornictvaŭ rasijskich i biełaruskich spartsmienaŭ.

Adnak u pačatku vieraśnia čaćviora biełaruskich płyŭcoŭ atrymali dopusk da spabornictvaŭ. Jany ŭziali ŭdzieł u etapie Kubka śvietu ŭ Budapiešcie.

Razam z tym aficyjnyja ŭłady časam robiać vyhlad, što sumiesnyja spabornictvy adchilenych ad startaŭ rasijan i biełarusaŭ — vielmi cikavaja reč i nijakich mižnarodnych turniraŭ nie treba.

Čytajcie taksama:

Čaćviarych biełaruskich płyŭcoŭ dapuścili da mižnarodnych spabornictvaŭ u niejtralnym statusie

Biełaruski trenier zrabiŭ «Ardabasy» čempijonam Kazachstana pa futbole

Jahor Šaranhovič zakinuŭ svaju pieršuju šajbu za «Kałhary Fłejmz»

Клас
2
Панылы сорам
11
Ха-ха
3
Ого
0
Сумна
1
Абуральна
6