Ilja Sałaŭjoŭ. Fota: twitter.com / NHLFlames

Ilja, jaki pačynaŭ siezon u farm-kłubie «Kałhary Renhlers», byŭ vyklikany napiaredadni ŭ asnoŭny kłub i siońnia ranicaj pa minskim časie pravioŭ svaju pieršuju hulniu za «Kałhary Fłejmz».

Na žal, «ahieńčyki» prajhrali «Sent-Łuisu» ź likam 0:3.

Ilja vybraŭ sabie ŭ «Fłejmz» 98-y numar, pad jakim raniej nichto nie vystupaŭ. Hulaŭ jon u treciaj piaciorcy. Pravioŭ na placoŭcy 16 chvilin 34 siekundy, adzin raz kinuŭ pa varotach, zabłakavaŭ adzin kidok, zarabiŭ dźvie chviliny štrafu.

Ilja Sałaŭjoŭ staŭ 15-m biełarusam, jaki zhulaŭ u najmacniejšaj lizie śvietu, pačynajučy z 1991 hoda.

Rekord pa praviedzienych matčach u NCHŁ naležyć śvietłaj pamiaci Rusłanu Saleju (914 hulniaŭ), u Michaiła Hraboŭskaha — 534 hulni, u Andreja Kaścicyna — 398, u Siarhieja Kaścicyna — 353 matčy.

Taksama siońnia čarhovy matč za «Kałhary Fłejmz» pravioŭ Jahor Šaranhovič. U jaho ŭ hetym siezonie za kanadski kłub adzin hoł i adzin halavy pas. Pryčym Šaranhovič vyjšaŭ na lod u pieršaj piaciorcy.

Taksama pakazalna, što siońnia dva biełarusy ŭpieršyniu z 2012 hoda byli razam u adnoj kamandzie na chakiejnaj placoŭcy. 11 hadoŭ tamu heta byli braty Andrej i Siarhiej Kaścicyny ŭ składzie «Nešviła».

«Kałhary» paśla vaśmi hulniaŭ zajmaje 13-y radok u Zachodniaj kanfierencyi. U kłuba piać bałaŭ, i adstavańnie ad vośmaha miesca, jakoje daje propusk u Kubak Stenli, składaje dva bały.

Nastupny matč — 30 kastryčnika suprać «Edmantana», jaki pravaliŭ pačatak siezona i zajmaje 15-y radok.

Čytajcie taksama:

Udava chakieista Rusłana Saleja pakazała fota svaich darosłych dziaciej

Jahor Šaranhovič zakinuŭ svaju pieršuju šajbu za «Kałhary Fłejmz»

Samy talenavity navičok NCHŁ ledź nie zabyŭ klušku pierad pieršym vychadam na lod

Клас
3
Панылы сорам
0
Ха-ха
0
Ого
0
Сумна
0
Абуральна
0