Kali 33-hadovaja supracoŭnica palicyi Aryźbiet Dyjanisia Ambrosia brała ŭdzieł u vyratavalnych pracach u mieksikanskim Akapulka paśla ŭrahanu «Ocis», jana pačuła ŭdalečyni dziciačy płač, piša Bi-bi-si.

Krychu paźniej Ambrosia — sama maci dvaich dziaciej — znoŭ pačuła płač i vyrašyła vyśvietlić jaho pryčynu.

U hety momant jana pabačyła maci čatyrochmiesiačnaha dziciaci. Taja raspaviała, što jaje syn nie jeŭ bolš za dva dni i płača ad hoładu.

Fota: Sakrataryjat hramadzianskaj biaśpieki (SCC)

Fota: Sakrataryjat hramadzianskaj biaśpieki (SCC)

«Ja skazała joj, što ja sama ciapier karmlu hrudźmi, i kali jana choča, ja mahu pakarmić dzicia», — raspaviała supracoŭnica palicyi mieksikanskamu telekanału N+.

Ambrosia źniała achoŭny ryštunak i pačała karmić hrudźmi hałodnaje dzicia, jakoje nieŭzabavie pierastała płakać.

«Na dušy pryjemna. Heta dzicia, i kali niešta i robić baluča nam, maci, to heta bačyć dzicia ŭ takich umovach», — skazała jana.

Hety epizod pakazany na fatahrafii, apublikavanaj u vychadnyja Sakrataryjatam hramadzianskaj biaśpieki (SSC) Miechika, jaki nakiravaŭ u Akapulka vyratavalnyja kamandy.

Fatahrafii vyklikali emacyjnuju reakcyju ŭ sacyjalnych sietkach na fonie trahiedyi, jakuju pieražyvaje Akapulka paśla niadaŭniaha ŭrahanu.

Kurortny horad i prylehłyja da jaho municypalitety praciahvajuć prychodzić u siabie paśla razburalnaha ŭrahanu «Ocis», u vyniku jakoha pa aficyjnych danych, apublikavanych 31 kastryčnika, zahinuli prynamsi 45 čałaviek i 47 prapali bieź viestak.

Siarod zahinułych — troje zamiežnikaŭ: adzin amierykaniec, adzin brytaniec i adzin kanadziec. Pošuk achviar i acenka škody praciahvajucca.

25 kastryčnika «Ocis», jaki mienš čym za 12 hadzin pieratvaryŭsia z trapičnaha štormu va ŭrahan piataj katehoryi, pryjšoŭ na terytoryju krainy i staŭ adnym z samych mahutnych cykłonaŭ u Cichim akijanie za ŭvieś čas nazirańniaŭ.

U apošnija dni ŭdałosia vyjavić miescaznachodžańnie sotniaŭ ludziej, jakija nie mahli źviazacca sa svaimi siemjami, i pastupova pačać adnaŭleńnie bazavaj infrastruktury.

Клас
59
Панылы сорам
2
Ха-ха
0
Ого
3
Сумна
3
Абуральна
1