Žonka zahinułaha Čaściakova raspaviała, što hranata, jakaja vybuchnuła ŭ rukach jaje muža, była ŭ padarunkavym pakiecie, jaki toj prynios dadomu. Fota: UP

Žonka zahinułaha Čaściakova raspaviała, što hranata, jakaja vybuchnuła ŭ rukach jaje muža, była ŭ padarunkavym pakiecie, jaki toj prynios dadomu. Fota: UP

Zahinuły — 39-hadovy Hienadź Čaściakoŭ — pracavaŭ pamočnikam hałoŭnakamandujučaha Valeryja Załužnaha. Pa infarmacyi «Espriesso», mužčyna byŭ zabity ŭ vyniku dyviersii. Jak paviedamlaje vydańnie, Čaściakoŭ pryjšoŭ dadomu z padarunkami ŭ dzień svajho naradžeńnia. Pry adkryćci adnaho z padarunkaŭ adbyŭsia vybuch.

Žonka zahinułaha Čaściakova raspaviała «UP», što hranata, jakaja vybuchnuła ŭ rukach jaje muža, była ŭ padarunkavym pakiecie, jaki toj prynios dadomu. Pa danych «UP», u pakiecie byli butelki śpirtnoha i padarunkavyja čarki ŭ vyhladzie hranat. Padčas adkryćcia pakieta adbyŭsia vybuch.

Major zahinuŭ. Paranieny jaho 13-hadovy syn.

Valeryj Załužny paćvierdziŭ śmierć svajho pamočnika.

«Nievymoŭny bol i ciažkaja strata dla Uzbrojenych sił Ukrainy i dla mianie asabista. Siońnia pry trahičnych abstavinach u svoj dzień naradžeńnia ŭ kole siamji zahinuŭ moj pamočnik i blizki siabar, major Hienadź Čaściakoŭ.

U adnym z padarunkaŭ spracavała nieviadomaje vybuchovaje prystasavańnie. U Hienadzia zastalisia žonka i čaćviora dziaciej. Maje hłybokija spačuvańni siamji…» — napisaŭ Załužny.

Клас
0
Панылы сорам
2
Ха-ха
0
Ого
0
Сумна
52
Абуральна
12