«Karparacyja tvajho stanu» ŭ instahramie rekłamuje svajo mierapryjemstva «Duša Rusi», jakoje maje prajści 11—12 listapada. Rekłamnaje videa zroblena sa zdymkaŭ ludziej, bolšaść ź jakich apranutyja ŭ biełaruskija narodnyja stroi. Pry hetym videa supravadžajecca podpisami «We are Russians».

Kamientatary pad rolikam zaŭvažyli, što častka fota — fatahrafii biełaruskich śviataŭ i ŭ cełym bolšaść zdymkaŭ nijak nie źviazanaja z Rasijaj, bo na ich — biełarusy.

«Navošta vy skrali fota biełaruski? Čarhovaje paćvierdžańnie, što tak zvanaja «russkaja kultura» zaraz — heta kraści, vydavać čužoje za svaje… Jaki soram! Viedali, što Biełaruś — inšaja kraina? Jaki soram!» — rezka napisaŭ adzin z kamientataraŭ.

Aŭtarka hetych fota — biełaruskaja fatohrafka Alisa Cioś. Na svajoj staroncy ŭ instahram jana napisała: «Jaki cyrk brać maje zdymki dla padobnych videa».

Клас
3
Панылы сорам
15
Ха-ха
4
Ого
2
Сумна
1
Абуральна
44