DTZ na Łahojskim trakcie pry pavarocie na Vałhahradskuju, kali tramvaj litaralna razdušyŭ lehkavik ab słup. 16 vieraśnia 2023 hoda. Fota: DAI Minska

DTZ na Łahojskim trakcie pry pavarocie na Vałhahradskuju, kali tramvaj litaralna razdušyŭ lehkavik ab słup. 16 vieraśnia 2023 hoda. Fota: DAI Minska

Z pačatku 2022 hoda ŭ Minsku zarehistravana 32 darožna-transpartnyja zdareńni, jakija adbylisia albo z udziełam tramvajaŭ, albo ŭ zonie ich prypynačnych punktaŭ, raskazaŭ namieśnik načalnika UDAI HUUS Minharvykankama Dzianis Livanovič, pišuć Minsk-Naviny.

Asablivaść hetaha transpartu ŭ tym, što luboje darožna-transpartnaje zdareńnie ŭ miežach habarytaŭ šlachoŭ imhnienna paralizuje ruch vahonaŭ pa ŭsioj linii. Razam z tym ryzyka prastojaŭ z-za DTZ na vydzielenych linijach minimalnaja.

Samaja składanaja situacyja na skryžavańniach, praź jakija prachodziać tramvajnyja šlachi.

Staličnaja tramvajnaja sietka maje praciahłaść 25 kiłamietraŭ. Ź ich prykładna 47% adasoblenyja ad prajeznaj častki, jašče 19% adździelenyja častkova. Astatniaja častka sumieščana z darohaj.

Tramvajnaja linija naličvaje 95 prypynkaŭ. Zvyš 80% ź ich kanstrukcyjna vydzieleny pry dapamozie pasadačnych placovak. Ale jość i tyja, dzie pasadka i vysadka pasažyraŭ adbyvajecca niepasredna na prajeznuju častku. Takija prypynki raźmieščany na vuł. Jakuba Kołasa, Daŭhabrodskaj, Pieršamajskaj, na Staravilenskim trakcie.

Čytajcie taksama:

Tramvaj litaralna razdušyŭ lehkavik ab słup VIDEA

U Minsku za ranicu adbyłosia čatyry DTZ z matacyklistami

U Minsku hramadski transpart atrymaje pryjarytet na skryžavańniach

Клас
1
Панылы сорам
0
Ха-ха
0
Ого
2
Сумна
2
Абуральна
0