«U nas jość što prapanavać našym partnioram. Pierš za ŭsio, my nadali ŭvahu adnaŭleńniu infrastruktury, jakaja była razburana ŭ vyniku zrujnavalnaha ziemlatrusu ŭ 11 pravincyjach Turcyi. My za hety hod zmahli naraścić abjomy pastavak budaŭničych materyjałaŭ u Turcyju, jakija vykarystoŭvajucca dla adnaŭleńnia, pierš za ŭsio, sacyjalnaj infrastruktury. (…) My abmiarkoŭvali pytańni raźvićcia handlu ŭ halinie sielskaj haspadarki. Sioleta pajšła naša małočnaja pradukcyja, jość surjoznyja pierśpiektyvy naroščvańnia pastavak abjomaŭ małočnaj pradukcyi na turecki rynak. Jość pierśpiektyvy pačać pastaŭki miasnoj pradukcyi, jałavičyny», — pieraličyŭ Siarhiej Alejnik.

Pa jaho słovach, Turcyja hatovaja spryjać źniaćciu sankcyj suprać biełaruskich kalijnych uhnajeńniaŭ.

«Turcyja całkam paćvierdziła hatoŭnaść akazvać nam sadziejničańnie ŭ źniaćci abmiežavańniaŭ na kalijnyja ŭhnajeńni, na ŭhnajeńni, jakija siońnia składajuć asnovu dla charčovaj i sielskahaspadarčaj biaśpieki, asabliva — u krainach hłabalnaha Poŭdnia. Na naš pohlad, va ŭmovach, kali, pa danych AAN, 3/4 miljarda nasielnictva płaniety haładaje, uvodzić sankcyi ŭ dačynieńni da ŭhnajeńniaŭ z boku ZŠA i ES — źjaŭlajecca złačynnym. My paćvierdzili našu hatoŭnaść dalej prasoŭvać hetuju temu na mižnarodnych placoŭkach i dalej raźvivać naša supracoŭnictva ŭ dvuchbakovym farmacie. Bo na siońniašni dzień 80% patrebaŭ Turcyi va ŭhnajeńniach pakryvajecca Biełaruśsiu», — vykazaŭ upeŭnienaść Siarhiej Alejnik.

Čytajcie taksama:

Suśvietnyja ceny na kalijnyja ŭhnajeńni viarnulisia na pieradvajenny ŭzrovień

Biełaruś i Iran ukłali damovu na pastaŭki kalijnych uhnajeńniaŭ

Kitajcy raskazali, u kolki im abychodzicca impart biełaruskaha kaliju

Клас
2
Панылы сорам
2
Ха-ха
3
Ого
0
Сумна
0
Абуральна
3