Dźmitryj Šaŭcoŭ ź litaraj Z na rukavie padčas «humanitarnaj» pajezdki na Danbas

Dźmitryj Šaŭcoŭ ź litaraj Z na rukavie padčas «humanitarnaj» pajezdki na Danbas

«Adchileńnie źjaŭlajecca vynikam nievykanańnia biełaruskim Čyrvonym Kryžam patrabavańnia ab źniaćci z pasady spadara Dźmitryja Šaŭcova, hienieralnaha sakratara nacyjanalnaha tavarystva.

Heta vynikaje z rašeńnia praŭleńnia MFTČKiČP ad 3 kastryčnika 2023 hoda pa vynikach rasśledavańnia abvinavačvańniaŭ na adras hienieralnaha sakratara Biełaruskaha Čyrvonaha Kryža, vyklikanych jaho zajavami, u tym liku ab jadziernaj zbroi i ab pieramiaščeńni dziaciej u Biełaruś, a taksama jaho vizitam u Łuhansk i Danieck», — havorycca ŭ pres-relizie arhanizacyi.

U vyniku hetaha rašeńnia Biełaruski Čyrvony Kryž hublaje pravy siabra mižnarodnaj fiederacyi i pazbaŭlajecca finansavańnia.

«Adchileńnie aznačaje, što Biełaruski Čyrvony Kryž hublaje svaje pravy siabra MFTČKiČP. Luboje novaje finansavańnie ŭ dačynieńni da Biełaruskaha Čyrvonaha Kryža taksama budzie prypyniena. Akramia taho, biełaruski Čyrvony Kryž nie zmoža ŭdzielničać u Hienieralnaj Asamblei MFTČKiČP, a taksama hałasavać abo być abranym na jakich-niebudź statutnych schodach MFTČKiČP», — zajaŭlaje fiederacyja.

Adnoŭleny ŭ svaich pravach Biełaruski Čyrvony Kryž moža być tolki paśla pazbaŭleńnia ad Dźmitryja Šaŭcova na čale hetaj arhanizacyi.

Pradstaŭnictva Čyrvonaha Kryža ŭ Biełarusi — praŭładnaja, faktyčna, psieŭdahramadskaja arhanizacyja, jakaja biezahavoračna padtrymlivaje režym Łukašenki va ŭsich jaho dziejańniach jak na słovach, tak i na spravie. Siabroŭ hetaj arhanizacyi, naprykład, zaŭsiody ŭklučajuć u skład vybarčych kamisij, i jany aktyŭna ŭdzielničajuć u falsifikacyi vybaraŭ roznaha ŭzroŭniu.

Dziejnaść arhanizacyi nie adpaviadaje takim zajaŭlenym pryncypam, jak niezaležnaść, niejtralnaść, biesstaronnaść i dobraachvotnaść.

Paśla pačatku vajny Rasii z Ukrainaj Biełaruskaje tavarystva Čyrvonaha Kryža ŭdzielničała ŭ vyvazie ŭkrainskich dziaciej z akupavanych terytoryj na terytoryju Biełarusi, hienieralny sakratar BTČK Dźmitryj Šaŭcoŭ asabista naviedvaŭ Danbas, majučy na svaim adzieńni simvał rasijskaj ahresii — łacinskuju litaru Z. Ułasna, mienavita paśla taho i ŭźnik skandał, na jaki musiŭ adreahavać navat Mižnarodny Čyrvony Kryž, zvyčajna nie vielmi pryncypovy ŭ reputacyjnych pytańniach.

Akramia taho, kiraŭnictva arhanizacyi nieadnarazova publična vykazvałasia ŭ padtrymku raźmiaščeńnia na terytoryi Biełarusi rasijskaj jadziernaj zbroi.

U toj ža čas prablemy parušeńnia pravoŭ čałavieka ŭ Biełarusi kiraŭnictva arhanizacyi zusim nie cikaviać, nie robiać jany i sprob palepšyć stanovišča palitźniavolenych u turmach režymu Łukašenki.

Čytajcie taksama:

Kiraŭnik Biełaruskaha Čyrvonaha Kryža Šaŭcoŭ praciahnie pracu, niahledziačy na parušeńnie normaŭ Mižnarodnaj fiederacyi

Mižnarodny Čyrvony Kryž patrabuje zvolnić Šaŭcova. U vypadku admovy — spynić finansavańnie

Dźmitryju Šaŭcovu rekamiendavali pakinuć pasadu kiraŭnika Biełaruskaha Čyrvonaha Kryža, ale jon zastaniecca

«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry

Hienprakuratura Ukrainy pačała rasśledavańnie datyčnaści Biełaruskaha Čyrvonaha Kryža da vyvazu dziaciej

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?