Sumnymi dla biełarusaŭ źviestkami pra zarobki ŭ krainach JEAES padzialilisia ŭ Jeŭrazijskaj ekanamičnaj kamisii (JEEK), piša Tochka.by.

Biełaruś zaniała čaćviortaje miesca ź piaci pa pamiery zarobkaŭ.

Jak vidać z pryviedzienaj tablicy, zzadu Biełarusi pa vynikach troch čverciaŭ 2023 hoda zastaŭsia tolki Kyrhyzstan. Letaś zarobki biełarusaŭ byli vyšejšyja (adnosna): tady jany apiaredžvali jašče i zarobki ŭ Armienii.

Jak adznačajuć u Jeŭrazijskaj ekanamičnaj kamisii, uzrovień siaredniaha zarobku ŭ Armienii mocna vyras dziakujučy prytoku biznesu i rełakantaŭ z Rasii.

Druhoj pryčynaj rostu dachodaŭ u hetaj krainie stała toje, što Armienija «dobra vykarystoŭvaje pieravahi tranzitu tavaraŭ u/z Rasii, jakija adkrylisia pierad joj u 2022 hodzie».

U kastryčniku siaredni zarobak biełarusaŭ u rublach krychu vyras.

Pavodle aficyjnych źviestak, siaredni (nie miedyjanny) zarobak u Biełarusi ŭ kastryčniku skłaŭ 1971,2 rubla (601 dalar pavodle siarednieŭzvažanaha kursu Nacbanka Biełarusi). Heta na 31,4 rubla bolš, čym u vieraśni.

Tradycyjna lidaram siarod rehijonaŭ stała stalica. Siaredni zarobak u Minsku — 2661,9 rubla. A horšaj u zarpłatnym rejtynhu vyhladaje Mahiloŭskaja vobłaść — znoŭ ža tradycyjna. U hetym rehijonie biełarusy ŭ siarednim atrymlivajuć pa 1647, 5 rubla.

Razryŭ z susiedziami vielmi vialiki

Pavodle śviežych źviestak ab zarobkach za try kvartały 2023 hoda, siaredni ŭzrovień dachodaŭ u Biełarusi nizki ŭ paraŭnańni nie tolki z bolšaściu krain JEAES, ale i z susiednimi Litvoj i Polščaj.

Da prykładu, u Litvie ŭ žniŭni 2023-ha siaredni zarobak mužčyn składaŭ 2072 jeŭra da vypłaty padatkaŭ (2155 dalaraŭ pavodle siarednieŭzvažanaha kursu žniŭnia). Žančyny zarablali mienš — 1848 jeŭra da vypłaty padatkaŭ (1922 dalary). Heta značyć, u siarednim litoŭcy zarablajuć u try ź lišnim razy bolš, čym biełarusy.

Ale na ruki atrymlivajuć kudy mienš: jak paviedamiŭ Dziaržaŭny fond sacyjalnaha strachavańnia, U II kvartale 2023-ha — u siarednim pa 1230 jeŭra (1353 dalara). I heta ŭsio roŭna ŭ dva ź lišnim razy bolš, čym u Biełarusi.

Jašče vialikaja roźnica z palakami. U ich, pa danych jeŭrapiejskaha statystyčnaha ahienctva, u apošnija hady zarpłata raście kožny kvartał. U 2022 hodzie jana ŭ siarednim składała 1510 jeŭra na miesiac (1593 dalary), a ŭ 2023-m vyrasła bolš, čym u papiarednija hady z-za paskoranaj inflacyi.

Čytajcie taksama:

Siaredni zarobak u Łatvii dasiahnuŭ 1126 jeŭra čystymi

Siaredni zarobak u Litvie pieravysiŭ 2000 jeŭra brudnymi. Heta 1370 dalaraŭ čystymi

Siaredni zarobak u Polščy pieravysiŭ 1880 dalaraŭ

Клас
2
Панылы сорам
2
Ха-ха
7
Ого
1
Сумна
6
Абуральна
5