Karł III padčas vystupu na klimatyčnym samicie ŭ Dubai. Fota: Chris Jackson / Getty Images

Karł III padčas vystupu na klimatyčnym samicie ŭ Dubai. Fota: Chris Jackson / Getty Images

Brytanski karol Karł III źjaviŭsia na kanfierencyi AAN pa klimacie (COP28) u halštuku ŭ sinia-biełych kolerach i kryžam, jakija supadajuć z rasfarboŭkaj i simvolikaj ściaha Hrecyi. Incydent adbyŭsia praź niekalki dzion paśla eskałacyi dypłamatyčnaj sprečki pamiž dźviuma krainami, piša RBK.

U hetym halštuku manarch vystupiŭ z pramovaj na kanfierencyi, a taksama sustreŭsia z brytanskim premjeram Ryšy Sunakam — adnoj z hałoŭnych asob skandału.

«Halštuk, jaki siońnia byŭ na Jaho Vialikaści, prosta adzin ź jahonaj kalekcyi», — zapeŭniŭ pradstaŭnik Bukinhiemskaha pałaca.

Karol užo źjaŭlaŭsia ŭ hetym halštuku da eskałacyi skandału, u pryvatnaści, padčas vizitu delehacyi z Paŭdniovaj Karei na minułym tydni.

Skandał razhareŭsia ŭ kancy listapada. U hety dzień brytanski premjer Ryšy Sunak admianiŭ zapłanavanuju sustreču z hreckim premjeram Kiryjakasam Micatakisam i abvinavaciŭ jaho ŭ tym, što toj parušyŭ abiacańnie nie vykarystoŭvać svaju pajezdku ŭ Łondan jak mahčymaść zajavić pra nieabchodnaść viartańnia skulptur z Parfienona z Brytanskaha muzieja ŭ Hrecyju.

Čytajcie taksama:

Antyčnyja skulptury stali pryčynaj novaha skandału pamiž Vialikabrytanijaj i Hrecyjaj

«Heta byli ŭžo nie šarahovyja apładysmienty, jakija hučać u padziaku kožnamu vystupoŭcu». Chto apładziravaŭ Łukašenku stojačy na klimatyčnym samicie?

Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?