Brovar da znosu. Fota: Huhł Karty

Brovar da znosu. Fota: Huhł Karty

Pra źniščeńnie kaštoŭnych budynkaŭ paviedamiŭ telehram-kanał «Spadčyna».

Aktyvisty adznačyli, što na spadarožnikavych zdymkach miascovaści pakul nie bačna źmienaŭ, ale bačna, što da 2022 hoda ŭžo paśpieli začyścić reštki aharodžy i adnapaviarchovuju prybudovu da brovara. Ciapier źniščyli i astatniaje.

Draŭlany śviran da znosu. Fota: telehram-kanał «Spadčyna»

Draŭlany śviran da znosu. Fota: telehram-kanał «Spadčyna»

Halereja śvirna. Fota: fotobel.by

Halereja śvirna. Fota: fotobel.by

Haspadarčy dvor raźmieščany na poŭnačy ad hałoŭnych budynkaŭ siadziby. Na siońnia tut byŭ źniščany dvuchpaviarchovy cahlany budynak brovara, uźviedzienaha ŭ 1926 hodzie, haspadarčaja pabudova pobač ź im i bolš poźnija vytvorčyja zbudavańni. A trochi na ŭschod ad brovara źnieśli pryhožy draŭlany śviran. 

My adšukali, jak ciapier vyhladaje miesca, dzie niadaŭna znachodziŭsia brovar.

Miesca, dzie raniej stajaŭ brovar. Fota: Jandeks Karty

Miesca, dzie raniej stajaŭ brovar. Fota: Jandeks Karty

Siadziba Abuchovičaŭ była pabudavana ŭ kancy XIX — pačatku XX stahodździa. Kompleks siadziby ŭ składzie ŭjaznoj bramy, stajniaŭ i śvirana ŭklučany ŭ Dziaržaŭny śpis historyka-kulturnych kaštoŭnaściej. Źniesienyja pabudovy takoha statusu nie mieli, ale pakolki dla siadziby nie byŭ raspracavany prajekt zon achovy, to niemahčyma kazać, jakija terytoryi adnosiacca da hetaha pomnika architektury i jakija zbudavańni na jaho terytoryi ličacca kaštoŭnymi.

Praz heta zakanadaŭstva zabaraniaje ŭ takich vypadkach raspracoŭku prajektnaj dakumientacyi, «realizacyja jakich moža akazać uździejańnie na nieruchomyja materyjalnyja historyka-kulturnyja kaštoŭnaści». Praŭda, jak adznačajuć aktyvisty, hetaje abmiežavańnie lohka abychodzicca, bo znos nie patrabuje prajekta.

Stan śvirana, jaki znachodzicca pad achovaj dziaržavy, u 2022 hodzie. Fota: Onliner

Stan śvirana, jaki znachodzicca pad achovaj dziaržavy, u 2022 hodzie. Fota: Onliner

Niahledziačy na toje, što astatnija budynki ŭziaty pad achovu dziaržavy, vyhladajuć jany ŭ razy horš za tyja budynki, jakija byli źniesieny, kab navieści «paradak».

Jak adznačajuć śpiecyjalisty, u apošnija hady pravodziacca maštabnyja kampanii pa znosie ŭsiaho, što na siońnia nie vykarystoŭvajecca. Biez razboru ŭzryvajucca i znosiacca staryja brovary, młyny, kazarmy i inšyja pabudovy, jakija mohuć mieć kaštoŭnaść.

Čytajcie taksama:

Na terytoryi Kałožskaj carkvy chočuć pabudavać zvanicu. Užo pryvieźli zvany

Šukajuć inviestara dla pałaca Huten-Čapskich u Pryłukach pad Minskam

«Ukłali 30 000 dalaraŭ». Biełarusy bolš za 10 hadoŭ adnaŭlali pad Minskam staražytnuju kaplicu

Клас
3
Панылы сорам
6
Ха-ха
0
Ого
0
Сумна
4
Абуральна
46