Apytańnie hramadskaj dumki pravodzili z 8 da 14 listapada 2023 hoda. Zamiest paŭnavartasnaha ankietavańnia daśledčyki arhanizavali internet-intervju. Vybarka była abmiežavanaja nie tolki haradskim nasielnictvam, ale i zvužana da karystalnikaŭ internetu. U apytańni ŭziali ŭdzieł 868 respandentaŭ.

Padobnyja apytańni pravodziacca rehularna z červienia 2022 hoda. I jak možna zaŭvažyć pry paraŭnańni vynikaŭ, za apošnija paŭtara hoda adbyłasia nieistotnaja dynamika ŭ staŭleńni biełarusaŭ da vajennych dziejańniaŭ rasijskich vojskaŭ va Ukrainie.

To what extent Belarusians support Russia in the war with Ukraine Naskolko biełorusy poddierživajut Rośsiju v vojnie s Ukrainoj Nakolki biełarusy padtrymlivajuć Rasiju ŭ vajnie z Ukrainaj

Kali ŭ červieni 2022 hoda kolkaść tych, chto ŭ toj ci inšaj stupieni padtrymlivaŭ Rasiju składała 33%, to ŭ listapadzie — 36%. Roźnica ŭ 3 % suvymiernaja z zajaŭlenaj daśledčykami chibnaściu ŭ 3,3%. Kolkaść tych, chto adnaznačna nie padtrymlivaje ci chutčej nie padtrymlivaje dziejańniaŭ rasijskich vojskaŭ na terytoryi Ukrainy za hety čas źmienšyłasia z 43% da 38%.

U toj ža čas u listapadzie 2023 hoda adnaznačna Rasiju padtrymlivaŭ kožny piaty biełarus, a ŭ červieni 2022 hoda — tolki kožny siomy. Adnaznačna niehatyŭnaje staŭleńnie da dziejańniaŭ rasijskich vojskaŭ letam minułaha hoda vykazvaŭ kožny treci biełarus, a voś u listapadzie hetaha hoda tolki kožny čaćviorty.

Za paŭtara hoda vyrasła i kolkaść tych, chto nie moža ahučyć svajo mierkavańnia.

Takim čynam, zachoŭvajecca vidavočny ŭstojlivy padzieł biełaruskaha hramadstva na prychilnikaŭ i praciŭnikaŭ Rasii ŭ vajnie.

Čytajcie jašče:

Novaje daśledavańnie pakazała, što bolšaść biełaruskaj moładzi vystupaje abo za niejtralitet, abo za ŭstupleńnie ŭ NATA

Novaje apytańnie pakazała, kolki biełarusaŭ padtrymlivaje vajnu i raźmiaščeńnie jadziernaj zbroi

Sacyjołahi dali śviežyja źviestki, kamu biełarusy daviarajuć i ci hatovyja žyć biez Rasii

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?