Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Ceny pryviedzieny biez uliku źnižak, jakija byvajuć u kramach.

Bulba 

Kiłahram «biełaruskaha chleba» ŭ nas pradajecca pa cenach kala rubla. U Polščy bulba ŭ pieravodzie na našy hrošy kaštuje pa 2 rubli za kiłahram, a ŭ Litvie — kala 2,5 rubla.

Małako i kiefir

Ceny na litr małaka ŭ Biełarusi pačynajucca z 1 rubla 56 kapiejek. Stolki kaštuje małako ŭ pakiecie tłustaściu 1,8%.

Litr małaka tłustaściu 2,8% kaštuje ŭžo 2,25 rubla za litr, 3,6% — 3,35 rubla, małako 6% kaštuje 3,67 rubla za litr.

U Litvie ceny na litr małaka pačynajucca z 62 jeŭracentaŭ (2,15 rubla). Stolki kaštuje samaje tannaje pakietavanaje małako tłustaściu 2,5%. Małako ŭ tetrapakach daražejšaje, 2,5% kaštuje 1,19 jeŭra (4,1 rubla) za litr, 3,5% — 1,4 jeŭra (4,8 rubla).

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

U Polščy ceny na 2%-naje małako pačynajucca z 2,98 złotaha (2,3 rubla) za litr. Litr małaka 3,2% kaštuje ad 2,5 da 4,3 rubla ŭ pieravodzie na našy hrošy. 

U Biełarusi kiefir 1,7% u pakietach kaštuje 1,45 rubla, kiefir 3,2% pradajecca pa 1,84 rubla za litr. 

U Litvie ceny na kiefir startujuć z 82 centaŭ (2,8 rubla) za litr 2,5%-naha praduktu ŭ pakiecie. Kiefir tłustaściu 3,2% kaštuje 1,77 jeŭra za litr (kala 6 rubloŭ).

Ceny na litr kiefiru ŭ Polščy pačynajucca z 4,79 złotaha (3,7 rubla) za litr. 

Śmiatana

Śmiatana tłustaściu 15% u kubačku vahoj 380 hram kaštuje 2,63 rubla. U Litvie śmiatana 18% za 400 hram praduktu (samaje blizkaje z anałahaŭ) kaštuje 1,2 jeŭra (4,1 rubla). 

Śmiatana z 30%-naj tłustaściu ŭ Biełarusi kaštuje 4,2 rubla za 350 hram. U Litvie anałahičny pradukt pradajecca za 1,54 jeŭra (5,3 rubla).

U Polščy 30%-naja śmiatana abjomam 400 hram kaštuje 8,19 złotaha (6,35 rubla). 

Cukar

Kiłahram biełaha cukru ŭ Biełarusi kaštuje 2,55 rubla. U Litvie jon ad 90 jeŭracentaŭ (3,1 rubla). U Polščy — ad 5,5 złotaha ( 4,2 rubla).

Jajki

Značna tańniej u nas kaštujuć jašče i kurynyja jajki. U Biełarusi ceny na jajki pačynajucca z 2 rubloŭ 75 kapiejek. Samyja darahija kaštujuć kala 4,5 rubla za dziasiatak.

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

U Polščy ceny na dziasiatak kurynych jajek pačynajucca z 8 złotych (kala 6,4 rubla).

U Litvie dziasiatak jajek kaštuje ad 1,75 jeŭra, heta kala 6 rubloŭ.

Što jašče tańniejšaje ŭ Biełarusi?

Siarod tavaraŭ, jakija kaštujuć u Biełarusi značna tańniej, čym u susiednich krainach ES, možna adznačyć ałkaholnyja i tytuniovyja vyraby. Taksama ŭ nas tannaje aŭtamabilnaje paliva. U Polščy, Litvie i Łatvii jak bienzin, tak i dyziel kaštujuć pryblizna ŭ dva razy bolš, čym u Biełarusi.

A što z zarpłatami?

U Biełarusi siaredniaja zarpłata za kastryčnik skłała 1971 rubiel, ci 1695 rubloŭ «na ruki». Heta kala 490 jeŭra pa biahučym kursie. U toj ža čas siaredniaja zarpłata «na ruki» ŭ Litvie pa danych za treci kvartał 2023 hoda składała 1235 jeŭra. Siaredni zarobak u Polščy pa vynikach kastryčnika skłaŭ 5473 złotyja, što kala 1240 jeŭra.

Клас
11
Панылы сорам
12
Ха-ха
9
Ого
2
Сумна
2
Абуральна
6