Adzin z abjektaŭ byŭ byłoj kazarmaj jašče carskich časoŭ, raźmieščanaj na vulicy Bresckich dyvizij, 15a. Dvuchpaviarchovy budynak z čyrvonaj cehły byŭ pabudavany da 1917 hoda i vyznačaŭsia nie tolki mocaj kamiennaha mura, ale i pamierami — 3333 «kvadraty».

Budynak vystaŭlaŭsia na aŭkcyjon i raniej. U 2022-m za jaho chacieli bolš za 2,5 młn rubloŭ, adnak pry takich staŭkach achvotnych pazmahacca za łot nie znajšłosia.

Ciapier ža, jak raskazaŭ «Anłajnieru» pradstaŭnik Biełaruskaj univiersalnaj tavarnaj biržy, paŭdzielničać u tarhach vyrašyli 15 zajaŭnikaŭ. Startavali tarhi a 10:00 26 śniežnia, a skončylisia tolki ŭ 01:55 27 śniežnia. Usiaho było zroblena 63 519 stavak.

U vyniku kazarma dastałasia tamu, chto prapanavaŭ za jaje maksimalnuju sumu, a mienavita 352 564 rubli. To-bok cana za abjekt vyrasła ŭ 9,5 tysiačy razoŭ.

Raniej paviedamlałasia, što na płoščach, jakija ŭžo pieražyli častkovuju pierapłaniroŭku, zamienu pieraharodak i ŭstanoŭku novych voknaŭ, možna adkryć ofisy, muziej, studyi.

«Pradali ŭčora i jašče adnu histaryčnuju kaštoŭnaść — abarončuju kazarmu «Ž-Z». Heta častka Bresckaj krepaści. Tarhi vynikovyja: pačatkovaja cana była 37 rubloŭ, a cana prodažu — 5516. U tarhach uziali ŭdzieł 4 zajaŭniki, jakija za 28 chvilin zrabili 988 stavak. U abodvuch vypadkach pieramožcami stali jurydyčnyja asoby, jakija pracujuć u śfiery budaŭnictva», — rastłumačyli ŭ BUTB.

Čytajcie taksama:

Siadzibu Abuchovičaŭ u Niaśvižskim rajonie začyścili ad histaryčnych budynkaŭ

Pad Halšanami pradajuć 120-hadovy śpirtzavod pa canie staroha aŭto

Šmatpakutny handlova-zabaŭlalny centr u Minsku buduć pradavać z aŭkcyjonu treci raz

U Bychavie ŭsio nijak nie pradaduć uźlotna-pasadačnuju pałasu

Клас
2
Панылы сорам
0
Ха-ха
2
Ого
0
Сумна
1
Абуральна
3