Fota: skryn ź videa kanała «Puł pieršaha»

Fota: skryn ź videa kanała «Puł pieršaha»

Krasnajarskija dyski i rasijskaje vietravoje škło

Jak vynikaje z apublikavanaha videa, pa-pieršaje ŭ biełaruska-kitajskich aŭtamabilaŭ ajčynnaja zvarka i afarboŭka.

Z detalaŭ: akumulatarnaja batareja vyrablenaja ŭ Breście, pakryški — «Biełšyna», elektronnyja błoki — vytvorčaści minskaha zavoda «Ahat».

Praŭda, što tyčycca elektronnych błokaŭ, napeŭna, tolki niejkaja častka ź ich moža być biełaruskaj vytvorčaści. U śviecie naŭrad ci možna adšukać choć adzin sučasny aŭtamabil, dzie ŭ elektronicy nie było b detalej ad Bosch, Siemens i inšych suśvietnych vytvorcaŭ.

Na hetym pa fakcie śpis detalaŭ z paznakaj Made in Belarus skančvajecca, ale Hienadź Śvidzierski da «svajho» adnosić łabavoje škło rasijskaj vytvorčaści i «krasnajarskija» kalosnyja dyski. Vyrab apošnich, kaža, płanujuć naładzić u Biełarusi.

«Raz my ŭ Sajuznaj dziaržavie, značyć my musim kaapieravacca maksimalna», — vidać, tak dyrektar zavoda tłumačyć, čamu kampanienty, vyrablenyja ŭ RF, jon zaličvaje ŭ łakalizavanyja. 

«Nakolki jany zrobiać, čas pakaža»

Dalej Łukašenku padviali da stenda z kampanientam, vyrabam jakich, pa słovach dyrektara, hatovyja zaniacca biełaruskija pradpryjemstvy. Ale Śvidzierski adrazu zrabiŭ ahavorku: «Nakolki jany zrobiać, pahladzim, čas pakaža».

Fota: skryn ź videa kanała «Puł pieršaha»

Fota: skryn ź videa kanała «Puł pieršaha»

Na palicach lažała piaredniaja i zadniaja optyka aŭtamabila, ščytok pryboraŭ, siadzieńni, płastykavyja elemienty sałona, abarony kołavych arak, častki vychłapnoj sistemy, paliŭny bak, elemienty pravodki.

Z vyšej pieraličanaha najbolš imaviernym źjaŭlajecca vyrab elektrapravodki na hrodzienskim pradpryjemstvie «Radyjochvala». Naprykład, raniej tam vyrablali pravodku dla VW Polo rasijskaj zborki.

Detali aŭto, jakija źbirajucca łakalizavać. Fota: skryn ź videa kanała «Puł pieršaha»

Detali aŭto, jakija źbirajucca łakalizavać. Fota: skryn ź videa kanała «Puł pieršaha»

Taksama Śvidzierski kazaŭ pra mahčymaść vyrablać paliŭnyja baki i aŭtamabilnyja kresły. Nie nadta składana naładzić vyrab niekatorych płastykavych elemientaŭ, takich, jak padkryłki, heta našmat praściej, čym naładzić vyrab optyki.

Zrešty, na biahučy momant uzrovień łakalizacyi ŭ «BIEŁDŽY» — nievialiki: akumulatarnaja batareja, pakryški i niekatoryja elektronnyja błoki.

Čytajcie taksama:

MUS raspradaje svaje staryja Geely. Pahladzicie, jak vyhladajuć 10-hadovyja aŭto biełaruska-kitajskaj vytvorčaści

Клас
2
Панылы сорам
4
Ха-ха
40
Ого
0
Сумна
3
Абуральна
3