Daniił Savienia. Skrynšot videa «Biełaruś 1».

Daniił Savienia. Skrynšot videa «Biełaruś 1».

Pryzam pieramožcu staŭ novieńki aŭtamabil. Supierfinał treciaha siezona prajekta pakazali ŭ efiry «Biełaruś 1» viečaram 26 studzienia, piša «Kamsamołka».

Pra 19-hadovaha Daniiła Savieniu ŭ Biełarusi ŭžo čuli. Bo mienavita jon atrymaŭ Hran-pry konkursu maładych vykanaŭcaŭ na Nacyjanalnym fiestyvali pieśni i paezii «Maładziečna-2023». Uradženiec Słucka, Daniił 9 hadoŭ vučyŭsia ŭ Maładziečnie — u miascovaj śpiecyjalnaj ahulnaadukacyjnaj škole-internacie dla dziaciej z parušeńniami zroku.

Savienia — navučeniec Minskaha dziaržaŭnaha kaledža mastactvaŭ. U intervju junak raspaviadaŭ, što svoj dalejšy šlach chacieŭ by źviazać z hukarežysuraj i muzyčnym pradziusavańniem.

Chłopiec taksama śpiavaŭ «Moj rodny kut» na muzyku Ihara Łučanka i tekst Jakuba Kołasa, «Potieriannyj raj» hurta «Aryja», «Kak mołody my byli», jakuju śpiavaŭ Alaksandr Hradski, i navat pieśniu «Źvienit janvarskaja vjuha».

A bijahrafija Daniiła Savieni, jaho ŭzychodžańnie na surjoznuju scenu, pačałasia, kali jamu było 7 hadoŭ. Mienavita tady chłopčyk pačaŭ udzielničać u konkursach — biełaruskich i mižnarodnych. U 10 hadoŭ jon praśpiavaŭ himny Biełarusi, Łatvii i Finlandyi na «Minsk-Arenie». Jaho zdolnaści acaniła rasijskaja śpiavačka Dyjana Hurckaja.

Paśla abviaščeńnia vynikaŭ treciaha siezona «Faktar.by» Daniił Savienia źviarnuŭsia da prysutnaha ŭ zale baćki:

— Ci pamiataješ, my maryli, što ŭ nas budzie novy aŭtamabil? Na hetaj mašynie my pajedziem u vialikaje padarožža pad nazvaj žyćcio. Niachaj usio, što adbyłosia siońnia, zastaniecca ŭ pamiaci nazaŭsiody.

Kankurentami Daniiła pa supierfinale treciaha siezona «Faktar.by» byli Marharyta Šybajeva z kamandy Rusłana Alachno i Alaksiej Budźko, padapiečny Volhi Buzavaj.

Čytajcie taksama:

Puhač raskazaŭ, jak hraŭ kancert na Płoščy Pieramienaŭ, a ludzi strymlivali HUBAZiK

Śpiavak Šarłot, jaki razarvaŭ rasijski pašpart, vybačyŭsia i pierad Pucinym, i patryjarcham Kiryłam

Chanok: Saładucha kupiŭ u mianie ŭ 1992 hodzie pieśniu «Zdravstvuj, čužaja miłaja» za 25 tysiač dalaraŭ

Клас
6
Панылы сорам
3
Ха-ха
0
Ого
1
Сумна
1
Абуральна
5