Uładzisłaŭ Brujeŭ. Skrynšot videa

 Uładzisłaŭ Brujeŭ. Skrynšot videa

Niahledziačy na ​​takoje redkaje i niecharakternaje dla vajskoŭca abvinavačańnie, «Fłahštok» miarkuje, što pierad sudom sapraŭdy paŭstaŭ načalnik Homielskaj pamiežnaj hrupy. 

Na heta pakazvaje toje, što druhi abvinavačany pa spravie — Alaksandr Vojnaŭ. Pavodle infarmacyi «Fłahštoka», padpałkoŭnik Vojnaŭ zjaŭlajecca načalnikam adździeła kadraŭ Homielskaj pahraničnaj hrupy. 

Poŭnaje abvinavačańnie ŭ KK hučyć tak: «Naŭmysnaje razhałašeńnie miedycynskim, farmaceŭtyčnym abo inšym rabotnikam biez prafiesijnaj abo słužbovaj nieabchodnaści źviestak ab najaŭnaści zachvorvańnia, dyjahnazie abo vynikach miedycynskaha ahladu pacyjenta». 

Abvinavačanym pahražaje štraf abo pazbaŭleńnie prava zajmać peŭnyja pasady abo zajmacca peŭnaj dziejnaściu.

U čym sutnaść spravy, nieviadoma. 

  Skrynšot raskładu suda Savieckaha rajona Homiela

Skrynšot raskładu suda Savieckaha rajona Homiela

Raniej Brujeŭ časta vystupaŭ u dziaržaŭnaj presie. U lipieni 2023 hoda jamu prysudzili zvańnie «Čałaviek hoda» ŭ naminacyi «Słužu Ajčynie». Apošniaje jahonaje publičnaje zjaŭleńnie zafiksavana 14 kastryčnika 2023 hoda. 

Pavodle infarmacyi sajta Dziaržpahrankamiteta, Brujeŭ siońnia praciahvaje ličycca načalnikam Homielskaj pahraničnaj hrupy. 

Uładzisłaŭ Brujeŭ — adzin z tych, chto niasie adkaznaść za ŭzbrojenaje ŭvarvańnie va Ukrainu rasijskich vojskaŭ z terytoryi Homielskaj vobłaści. 

Z hetaj pryčyny jon uklučany ŭ sankcyjny śpis Ukrainy, Jeŭraźviaza, Šviejcaryi, Vialikabrytanii, Kanady, Novaj Ziełandyi.

Čytajcie taksama:

Ministerstva abarony buduje novy vajskovy haradok za 40 km ad miažy z Ukrainaj. Što pra jaho viadoma?

Urad Litvy ŭchvaliŭ prapanovu ab stražejšym kantroli biełarusaŭ na miažy

Sachaščyk-małodšy raskazaŭ, čamu nie pajšoŭ vajavać i jak biełaruskaja armija ŭsprymie siłavy scenar vyzvaleńnia

Клас
7
Панылы сорам
2
Ха-ха
14
Ого
4
Сумна
1
Абуральна
0