Kampanija «Jeŭrahandal» prybrała z pryłaŭkaŭ svaich kram słaniečnikavy alej Almaro z dadańniem aliŭkavaha. Pra heta paviedamlaje Blizko.by sa spasyłkaj na pres-słužbu Jeŭrazijskaj ekanamičnaj kamisii.

Raniej u JEEK źviarnułasia hrupa rasijskich kampanij, vytvorcy inšaha słaniečnikavaha aleju z padobnaj nazvaj — Altero. Jany vykryli «Jeŭrahandal» i AT «Tłuščavy kambinat» u niesumlennaj kankurencyi: za toje, što ŭviali ŭ abarot alej Almaro, čyja etykietka imituje dyzajn ich pradukcyi.

Jeŭrazijskaja ekanamičnaja kamisija razhledzieła zajaŭku i papiaredziła, kab kampanii va ŭstanoŭlenyja terminy spynili vytvorčaść i realizacyju aleju Almaro. Tyja ŭ svaju čarhu patrabavańnie vykanali.

— Papiaredžańnie jak instrumient «miakkaha rehulavańnia» daje mahčymaść apieratyŭna biez nakładańnia štrafnych sankcyj adnavić kankurencyju na transhraničnych rynkach. Budziem praciahvać hetuju praktyku, — adznačyŭ z nahody incydentu ministr pa kankurencyi i antymanapolnym rehulavańni JEEK Maksim Jermałovič.

Čytajcie taksama:

U Biełarusi mohuć mocna źnizić limity biaspošlinnaha ŭvozu tavaraŭ praz naziemnyja miežy i ŭ pasyłkach

Błohier paraŭnaŭ francuzskuju parfumu ad Dior za 550 rubloŭ ź biełaruskim anałaham za 30. Ci znajšoŭ roźnicu?

Za 2023 hod MARH aštrafavała subjekty handlu na 800 tysiač rubloŭ

Клас
5
Панылы сорам
2
Ха-ха
9
Ого
1
Сумна
0
Абуральна
5