Abnoŭlena 25 lutaha. Na žal, my ŭviali ŭ zman aŭdytoryju, paviedamiŭšy pra toje, što Natalla Tarasienka źniałasia z vybaraŭ za niekalki dzion da hałasavańnia. Akazvajecca, fajł z rašeńniem kamisii ab jaje źniaćci adnosiŭsia da… 2016 hoda. Tarasienka tady nasamreč zdymałasia z vybaraŭ. Nasamreč Tarasienka pieraabirajecca i pieramahaje, jak i mierkavałasia ad pačatku.

***

Deputatka Pałaty pradstaŭnikoŭ pa Mahiloŭskaj sielskaj akruzie №88 Natalla Tarasienka nie budzie pieraabiracca na čarhovy termin, choć jaje ŭžo i zarehistravali kandydatkaj na vybary-2024.

Na sajcie Mahiloŭskaha rajvykankama źjaviłasia abjava (DOC) biez daty ab tym, što Tarasienka zdymajecca z vybaraŭ: «Akružnaja vybarčaja kamisija Mahiloŭskaj sielskaj vybarčaj akruhi № 88 … razhledzieła zajavu kandydata ŭ deputaty … Tarasienka Natalli Eduardaŭny ab źniaćci joj svajoj kandydatury i pryniała da viedama jaje zajavu. Kamisija pryznała pryčyny źniaćcia pavažlivymi».

Natalla Tarasienka — siabra Kamunistyčnaj partyi. U 2019 jana stała deputatkaj Pałaty pradstaŭnikoŭ, pierad tym uznačalvała adździeł pa adukacyi Mahiloŭskaha rajvykankama

Natalla Tarasienka — siabra Kamunistyčnaj partyi. U 2019 jana stała deputatkaj Pałaty pradstaŭnikoŭ, pierad tym uznačalvała adździeł pa adukacyi Mahiloŭskaha rajvykankama

Niezrazumieła, u jaki dzień Tarasienka raptoŭna «pieradumała», ale jašče navat na 22 lutaha ŭ jaje byli pryznačanyja ahitacyjnyja pajezdki pa škołach i dziciačych sadkach Mahilova.

Što ciapier?

Akruha stała biezalternatyŭnaj. Na joj zastałasia tolki dyrektarka Miežysieckaj škoły Lilija Mielnikava (1979). Jaje klikali na vybary jak sparynh-partniorku Tarasienka, ale niešta pajšło nie tak.

Lilija Mielnikava — dyrektarka škoły ŭ ahraharadku pad Mahilovam. Raniej vykładała ŭ škole anhlijskuju movu

Lilija Mielnikava — dyrektarka škoły ŭ ahraharadku pad Mahilovam. Raniej vykładała ŭ škole anhlijskuju movu

Kali Tarasienka paśpieła źniacca da pačatku daterminovych vybaraŭ, to kamisija musiła vyrabić novyja biuleteni, u jakich vybarcaŭ prapanujecca pastavić nasuprać Mielnikavaj paznaki «tak» ci «nie».

U takim razie pierad uładami staić vybar — ci pryznačyć Mielnikavu deputatkaj, ci zajavić, što bolšaść prahałasavała «suprać» jaje, i nie abirać nikoha pa hetaj akruzie. U najnoŭšaj biełaruskaj historyi byli i takija, i takija vypadki. Časam sparynh-partnioram dazvalali vykarystać svoj šaniec — stać «pieramožcam» i adpravicca rabić karjeru ŭ parłamient.

Čytajcie taksama:

Dokšyckaha čynoŭnika ciahnuli ŭ deputaty, a kali vyjaviłasia, što syn u bazie «Biesparadki» — vyhnali z raboty 

Bresckaja deputatka parłamienta išła na pieravybary — ale raptoŭna źniała svaju kandydaturu

110 deputataŭ, jakija trapiać u parłamient-2024, — praviercie śpis paśla vybaraŭ

Клас
1
Панылы сорам
3
Ха-ха
19
Ого
3
Сумна
1
Абуральна
1