U Biełharodskaj vobłaści supracoŭniki departamienta ekanamičnaj biaśpieki (DEB) vyjavili bujny kanał kantrabandnych pastavak praz terytoryju Ukrainy miasnych vyrabaŭ z ZŠA, Brazilii, Bielhii, Kanady i Arhienciny.
«Pry pieravozcy čarhovaj partyi byŭ zatrymany vialikahruzny aŭtamabil z 22 tonami kantrabandnaha miasa i supravadžajučyja asoby, ahulny košt hruzu pieravysiŭ 2 miljony rasiijskich rubloŭ… Vyjaŭlena, što heta miasa doŭhija hady zachoŭvałasia na składach adnoj z łacinaamierykanskich krain jak stratehičny zapas i ŭ realizacyju trapiła praz zakančeńnie terminu prydatnaści», — havorycca ŭ paviedamleńni.
Pa infarmacyi apieratyŭnikaŭ, miasa zamarozili jašče ŭ 1974 hodzie.
Złamyśniki zavozili pradukcyju marskim transpartam u port Adesy. Ź jaje farmavali drobnyja partyi, jakija pierapraŭlalisia tranzitam praz Charkaŭ na terytoryju Rasii. Chaładzilny skład dla zachoŭvańnia nielehalnaha tavaru znachodziŭsia ŭ Biełharodskaj vobłaści.
Potym miasa na hruzavych mašynach dastaŭlali ŭ Maskvu i inšyja rehijony Rasii, dzie jaho realizoŭvali pa padrobnych dakumientach padkantrolnych kamiercyjnych arhanizacyj.
«Takim čynam členy arhanizavanaj hrupy lehalizoŭvali kantrabandnuju miasnuju pradukcyju i chavali krainu jaje pachodžańnia. Jość usie padstavy mierkavać, što ŭkazanaja hrupa, jakaja składałasia z hramadzian Rasii i Ukrainy, dziejničała na praciahu niekalkich hadoŭ», ‑ havorycca ŭ paviedamleńni.
