7—10 studzienia ŭ Biełarusi zarehistravana 47 darožna‑transpartnych zdareńniaŭ z paciarpiełymi, u jakich siem čałaviek zahinuli i 58 — atrymali traŭmy.
Pra heta paviedamili va ŭpraŭleńni Dziaržaŭtainśpiekcyi MUS.
Siarod zahinułych — adno dzicia, siarod traŭmavanych — čatyry.
Pa vinie pjanych kiroŭcaŭ adbylisia dźvie darožnyja avaryi, u jakich paciarpieli ludzi.
7 studzienia 19‑hadovy kiroŭca, kirujučy aŭtamabilem «Dodž Karavan», ruchajučysia pa darozie Minsk — Viciebsk, niapravilna vybraŭ chutkaść ruchu, nie ŭličyŭ darožnyja i mietearałahičnyja ŭmovy. Mašynu zaniesła i vykinuła na pałasu sustrečnaha ruchu, dzie adbyłosia sutyknieńnie z «Sitrajenam S5». U vyniku 35‑hadovaja pasažyrka «Dodža» hramadzianka Rasii z traŭmami była dastaŭlena ŭ balnicu, dzie ŭ pryjomnym adździaleńni pamierła. 38‑hadovaja pasažyrka hetaha ž aŭtamabila atrymała cialesnyja paškodžańni.
8 studzienia 45‑hadovy kiroŭca «Sitrajena», ruchajučysia pa aŭtadarozie Viciebsk — Homiel — miaža Ukrainy, na 171‑m km nie spraviŭsia z kiravańniem, u vyniku aŭtamabil vyjechaŭ na pałasu sustrečnaha ruchu i sutyknuŭsia z»Aŭdzi». Trochhadovy syn kiroŭcy «Aŭdzi» pamior na miescy zdareńnia, jaho 6‑cihadovy syn i sam kiroŭca dastaŭlenyja ŭ balnicu.
U DTZ 9 studzienia ŭ Słuckim rajonie Minskaj vobłaści ranieńni atrymali siem čałaviek.
Blizu vioski Varabjova adbyłosia łabavoje sutyknieńnie «Micubisi» i «Žyhuloŭ». Siarod traŭmavanych — dvuchhadovy chłopčyk i 20‑hadovy student.
