Lohkim dotykam ruki Intehrał pieraŭtvarajecca...
Etykietka «Intehrała» imhnienna pieraŭtvaraje impartnyja manitory ŭ ajčynnyja. Pryčym daražejšyja na $55.
Impartazamiaščalny skandał razhareŭsia paśla taho, jak supracoŭniki adnoj ź minskich firm vyjavili, što na kuplenych manitorach «Intehrał» byŭ abaronny ekran inšaj kampanii, tajvańskaj Acer.
Kali ž z korpusa manitora adkleili ŭsie nadpisy «INTEGRAL», sumnievaŭ nie zastałosia. Pad kožnym firmovym znakam minskaha zavoda stajaŭ nadpis «ACER»…
Supracoŭniki «Intehrała» nie bačać u svaich dziejańniach ničoha złačynnaha. U intervju partału tut.by pradstaŭnik zavoda rastłumačyŭ: «Intehrał» nie vypuskaje składnikaŭ dla manitoraŭ, tamu kuplaje ich tam, dzie bolš vyhadna pa canie i jakaści. Takim samym čynam praca viadziecca z Philips i inšymi vytvorcami.
Naklejka za $55
Pakolki dziaržaŭnyja arhanizacyi abaviazanyja kuplać techniku vyklučna biełaruskaj vytvorčaści, pradukcyja «Intehrała» razychodzicca na ŭra.Prablema ŭ canie. «Psieŭdaintehralny» manitor kaštuje bolš za 600 tysiač rubloŭ. A taki samy aryhinalny manitor Acer V193HQDb, biez nalepak «Intehrała», možna nabyć u biełaruskich internet‑kramach za 450 tysiač rubloŭ.
Takim čynam, minski zavod aceńvaje naklejvańnie pary svaich etykietak i ŭpakoŭku ŭ firmovuju karobku ŭ 150 tysiač rubloŭ.