Pra heta paviedamiŭ žurnalistam ministr abarony Juryj Žadobin siońnia paśla rabočaj narady ŭ kiraŭnika dziaržavy pa pytańniach harantavańnia vajennaj biaśpieki krainy.
«Kiraŭniku dziaržavy byŭ pradstaŭleny Płan svoječasovaj padrychtoŭki našaj dziaržavy da abarony. U hetym dakumiencie ŭličany ŭsie składalniki abstanoŭki, nie tolki z punktu hledžańnia vajennaj biaśpieki, ale i finansavyja, ekanamičnyja mahčymaści dziaržavy», — skazaŭ Juryj Žadobin.
Pavodle jaho słoŭ, kiraŭnik dziaržavy zaćvierdziŭ pryncyp pabudovy płana i adlustravanyja ŭ im etapy, pahadziŭšysia z tym, što płan hatovy da zaćviardžeńnia.
«Pry nas jon (płan) byŭ padpisany i ź siońniašniaha dnia ŭstupiŭ u dziejańnie», — udakładniŭ ministr abarony.
Akramia taho, kiraŭnik dziaržavy byŭz prainfarmavany pra chod realizacyi Kancepcyi budaŭnictva i raźvićcia Uzbrojenych Sił da 2020 hoda. Abmiarkoŭvalisia pytańni nabyćcia i asnaščeńnia armii sučasnymi srodkami ŭzbrojenaj baraćby, aptymizacyi kolkaści Uzbrojenych Sił, infrastruktury vajennych haradkoŭ i inš. «Usio heta było dałožana kiraŭniku dziaržavy i ŭ cełym atrymała jaho adabreńnie. Liču, my možam realizavać zadačy, jakija byli siońnia pastaŭleny prezidentam, asabliva tyja, na apieratyŭnaje vyrašeńnie jakich byli zrobleny asablivyja akcenty», — dadaŭ Juryj Žadobin.
